युभेन्ट्सका सामी खेदिरा हर्था बर्लिनमा आबद्ध

गोरखापत्र अनलाइन
काठमाडौं, माघ २० गते । युभेन्ट्सका मीडफिल्डर सामी खेदिरा बुन्डेसलिगाको हर्था बर्लिनमा आबद्ध हुनुभएको छ । युभेन्ट्सले पाँच पटक इटाली सिरी ए को उपाधि जित्दा ३४ वर्षीय खेदिरा टोलिका सदस्य हुनुहुन्थ्यो । उहाँ साढे वर्षसम्म युभेन्ट्सका लागि खेल्नुभएको हो । तर जारी सिजनमा उहाँ क्लब फुटबलमा सहभागी हुनुभएन । स्टेटागर्टबाट रियल मड्रिड प्रस्थान गर्नुअघि ११ वर्षमा उहाँ पहिलोपटक जर्मनीको क्लब फुटबलमा सहभागी हुनुभएको हो ।
सन् २०१९ को फेब्रुअरीमा मुटुको अनियमित चालपछि खेदिरा केही समय उपचार गराएर विश्राम गर्नुभएको थियो । हर्थाले भने उहाँको स्थानान्तरण सम्बन्धमा केही खुलाएको छैन् । रियल मड्रिडका लागि च्याम्पियन लिग जितेको करिब दुई महिनापछि सामी खेदिराले सन् २०१४ को विश्वकप जर्मनीले उचाल्दा टोलिका सदस्य हुनुहुन्थ्यो ।
गत् शनिबार बुन्डेसलिगामा ऐनट्रेक्ट फ्रयाङ्कफर्ट विरुद्ध हर्थाले ३–१ को हार बेहोर्यो । बुन्डेसलिगा अङ्कतालिकामा हर्था १५ औं स्थानमा छन् ।