टट्नहममाथि चेल्सीको जित

गोरखापत्र अनलाइन
काठमाडौं, माघ २३ गते । चेल्सीले टट्नहममाथि जित हात पारेको छ । प्रिमियर लिग अन्तगर्त गए राति सम्पन्न खेलमा चेल्सीले टट्नहममाथि १–० को जित हात पारेको हो ।
चेल्सीको जितमा जोर्गिन्होको एक मात्र गोल निर्णायक रहन गयो । उहाँले पहिलो हाफको २४ औं मिनेटमा पाएको पेनाल्टीलाई उहाँले गोलमा परिणत गर्नुभयो । एरिक डायरले टिमो वेर्नरलाई लडाएपछि चेल्सीले पेनाल्टीको अबसर पाएको थियो ।
थोमस टुचेल चेल्सीको प्रशिक्षक नियुक्त भए यता चेल्सीको पोष्टमा एउटै गोल हुन सकेको छैन् । पछिल्लो तीन खेलमध्ये चेल्सीले दुईमा जित र एउटा बराबरी खेलेको छ ।
जितसँगै चेल्सी प्रिमियर लिग अङ्क तालिकाको छैठौं स्थानमा उक्लेको छ । टट्नहम भने आठौं स्थानमा झरेको छ । ३६ अङ्क बटुलेको चेल्सी शीर्ष स्थानको म्यान्चेष्टर सिटीभन्दा ११ अङ्कले पछाडि छ ।