जोइ रुटको शतकमा इंग्ल्याण्ड बलियो स्थितिमा

गोरखापत्र अनलाइन
काठमाडौं, माघ २३ गते । जोइ रुटले शतकीय पारी खेलेपनि इंग्ल्याण्डले भारत विरुद्धको पहिलो टेष्टको पहिलो पारमिा बलियो स्थितिमा पुगेको छ । दिनको खेल सकिदासम्म इंग्ल्याण्डले तीन विकेटको क्षतिमा २६३ रनको योगफल तयार गरेको हो । जोइ रुटले आफ्नो एक सयौं टेष्ट खेलमा शतक लगाउनुभएको हो । उहाँले आफ्नो टेष्ट क्रिकेट जिवनको १९ औं शतक लगाउनुभयो।
इंग्ल्याण्डका लागि जोइ रुटले १२८ रन बनाएर अविजित हुनुहुन्छ । उत्कृष्ट सुरुवातका बावजूद ६३ रनमै लगालग दुई विकेट गुमाएर इंग्ल्याण्ड क्रिकेट टोलि दबाबमा आएको थियो । ओपनर डम सिब्लीले जोई रुटसँग दुई सय रनको साझेदारी गरेपछि पाहुना टोलि बलियो स्थितिमा पुगेको हो । दिनको खेल समाप्त हुन मात्र तीन बल बाँकी छँदा सिब्ली ८७ रन बनाएर जसप्रित बुमराहको बलमा एलबीडब्ल्युको धरापमा पर्नुभयो । अर्का ओपनर रोरी बर्नस ३३ रन बनाएर पेभेलियन फर्किदा डोन लौरेन्स डक आउट हुन पुग्नुभयो ।
भारतका लागि जसप्रित बुमराहले दुई तथा रबिचन्द्रन आश्विनले एक विकेट लिनुभयो ।