इन्टर मिलान शीर्षस्थानमा उक्लियो

गोरखापत्र अनलाइन
काठमाडौं, माघ २४ गते। इन्टर मिलान इटाली सिरी ए को शीर्ष स्थानमा उक्लेको छ । उसले अङ्कतालिकाको मध्यतिर रहेको फ्लोरेन्टिनालाई हराएर शीर्षस्थानमा उक्लिन सफल भएको हो ।
गए राति सम्पन्न सिरी ए अन्तर्गतकाे खेलमा इन्टर मिलानले फ्लोरेन्टिनामाथि ०–२ को सहज जित हात पार्यो । मीडफिल्डर निकोलो बरेल्लाले पहिलो हाफको ३१ औं मिनेटमा उत्कृष्ट प्रहार गर्दै गोल गर्नुभयो । अक्राश हकिमीको क्रसलाई इभान पेरिसिकले ५२ औं मिनेटमा गोलको दिशा दिदा फ्लोरेन्टिनामाथि इन्टरको २–० को जित सुनिश्चित गराउन पर्याप्त भयो ।
जितसँगै इन्टर मिलानले आफ्नो प्रतिद्वन्दी एसी मिलानसँग एक अङ्कको अग्रता लिएको छ ।