युभेन्ट्स कोपा इटालीको फाइनलमा पुग्यो

गोरखापत्र अनलाइन
काठमाडौं, माघ २८ गते । युभेन्ट्स कोपा इटालिया कपको फाइनलमा पुगेको छ । युभेन्ट्सले दुई लिगको खेलमा २–१ को गोल अन्तरले जित हात पार्दै फाइनलमा स्थान सुनिश्चित गरेको हो । दोस्रो लिग सेमिफाइनलमा युभेन्ट्सलाई इन्टर मिलानले गोलरहित बराबरीमा रोकेको हो ।
युभेन्ट्सले लगातार दोस्रो सिजनमा फाइनलसम्मको यात्रा गरेको हो । भ्रमणकारी टोलिका लागि म्यान्चेष्टर यूनाइटेका पूर्ब फरवार्ड रोमेलु लुकाकु र एक्राफ हकिमिले गोलका लागि पाउनुभएको दुई अवसरमा चुक्नुभयो ।
क्रिष्टियानो रोनाल्डोले भने सामीर हयान्डानोभिकको गोल गर्ने दुई वटा प्रयासलाई विफल तुल्याउनुभयो । पहिलो लिगमा इन्टर मिलानले आर्जेन्टिनाका स्ट्राइकर लौटारो मार्टिनेजको गोलबाट अग्रता लिएको थियो । तर पोर्चुगिज स्टार क्रिष्टियानो रोनाल्डोले नौ मिनेटको अन्तरालमा लगातार दुई गोल गरेपछि ऊ पहिलो लिग जितेको थियो ।
युभेन्ट्सले एटलान्टा र नपोलीबीचको दोस्रो सेमिफाइनलको विजेतासँग १९ मईमा फाइनल खेल्नेछन् । नपोलीले युभेन्ट्सलाई पेनाल्टी शूटआउटमा ४–२ गोल अन्तरले गत सिजनको फाइनलमा हराउँदै उपाधि हात पारेको थियो ।