अष्ट्रेलिया क्रिकेट टोलिले बङ्गलादेशको भ्रमण गर्ने

गोरखापत्र अनलाइन
काठमाडौं, माघ २७ गते । अष्ट्रेलियाले यसैवर्षको अन्त्यमा बङ्गलादेशको भ्रमण गर्ने भएको छ । सन् २०१७ पछि अष्ट्रेलियाली क्रिकेट टोलिले पहिलोपटक बङ्गलादेशको भ्रमण गर्ने भएको हो ।
अष्ट्रेलियाले आईसीसी विश्व टेष्ट च्याम्पियनशीप अन्तगर्त बङ्गलादेशको भ्रमण गर्ने तय गरिएको भएपनि उक्त भ्रमण स्थगित भएपछि अष्ट्रेलियाले टी ट्वान्टी श्रृखंला खेल्न बङ्गलादेश भ्रमण गर्न लागेको हो । टी ट्वान्टी विश्वकप यसैवर्षको अक्टोबर र नोभेम्बर महिनामा भारतमा हुने तय गरिएको हो । विश्वकप क्रिकेट टी ट्वान्टीको तयारी स्वरुप बङ्गलादेश र अष्ट्रेलियाबीच टी ट्वान्टी श्रृखंला खेलाइनेछ ।
बङ्गलादेशले यसैवर्ष टी ट्वान्टी श्रृखंलाका लागि इंग्ल्याण्डलाई आयोजना गर्ने तय भएको छ । इंग्ल्याण्डले बङ्गलादेशको भ्रमण गरे उक्त श्रृखंला त्रिकोणात्मक श्रृखंलामा समेत परिणत हुन सक्ने बताइएको छ । अष्ट्रेलिया र बङ्गलादेशबीचको टी ट्वान्टीको भ्रमण तालिका अझै सुनिश्चित भने भइसकेको छैन् ।