बार्सिलोना सेभिल्लाबाट पराजित

गोरखापत्र अनलाइन
काठमाडौं, माघ २९ गते । बार्सिलोनाले कोपा डेल रेको पहिलो सेमिफाइनल लिगमा हार बेहोरेको छ । सेभिल्लाले बार्सिलोनालाई २–० ले पराजित गर्यो ।
सेभिल्लाको जितमा जुल्स कौन्डेले २५ औं मिनेटमा गोल गर्दै १–० को अग्रता दिलाउनुभयो । इभान रकिटिकले ८५ औं मिनेटमा गोल थप्दै सेभिल्लाको बार्सिलोनामाथि २–० को जित सुनिश्चित गर्नुभयो । लियोनल मेस्सीले खेलको उत्तरार्धमा गोलका लागि गर्नुभएको प्रयास बोनोले विफल तुल्याउनुभयो । बार्सिलोनाले सेभिल्लालाई तीन वर्ष अघि कोपा डेल रेको फाइनलमा ५–० ले हराएको थियो ।
एथलेटिको बिल्बाओले दोस्रो सेमिफाइनल खेलमा लेभान्टेको सामना गर्नेछ ।