दक्षिण अफ्रिकी क्रिकेट टोलीले आयरल्याण्डको भ्रमण गर्ने

गोरखापत्र अनलाइन
काठमाडौं, फाल्गुन ४ गते । दक्षिण अफ्रिका क्रिकेट टोलीले आयरल्याण्ड भ्रमण गर्ने भएको छ । उसले अन्तर्राष्ट्रिय एकदिवसीय र टी ट्वान्टी श्रृखंला खेल्न आयरल्याण्ड भ्रमण गर्ने भएको हो ।
अष्ट्रेलियाले आगामी महिना हुने टेष्ट श्रृखंला स्थगित गर्ने निर्णयमा पुगेपछि दक्षिण अफ्रिकाले उक्त रिक्त तालिका पूर्ति गर्ने अभ्यासमा  छ । दक्षिण अफ्रिकाले जुलाई ११ देखि २५ सम्म आयरल्याण्ड भ्रमणको क्रममा तीन अन्तर्राष्ट्रिय एकदिवसीय र तीन टी ट्वान्टी श्रृखंला खेल्नेछ । पहिलो एकदिवसीय जुलाई ११ मा हुनेछ । दोस्रो जुलाई १३ मा र तेस्रो तथा अन्तिम जुलाई १६ मा हुने तालिका छ ।
आयरल्याण्डले जुनमा नेदरल्याण्ड्सको भ्रमण गर्ने तालिका छ । उक्त श्रृखंलापछि दक्षिण अफ्रिकी टोलि आयरल्याण्डको भ्रमण गर्नेछ ।