मेदभेदेभ अष्ट्रेलियन ओपनको सेमीफाइनल पुगे

गोरखापत्र अनलाइन
काठमाडौं, फाल्गुन ५ गते । डेनियल मेदभेदेभ अष्ट्रेलियन ओपनको सेमीफाइनलमा पुग्नुभएको छ । उहाँले रुसी आन्द्रे रुब्लेभलाई हराउँदै पहिलो पटक अष्ट्रेलियन ओपनको सेमीफाइनलसम्म पुग्नुभएको हो ।
मेलबर्न पार्कमा सम्पन्न खेलमा चौथो वरियताका मेदभेदेभले आठौं वरियताका रुब्लेभमाथि ७–५ ६–३ ६–२ को जित हात पार्नुभयो । रुब्लेभले आफ्ना साथी मेदभेदेभसँग लगातार चौथो पटक हार बेहोर्नुभयो । मेदभेदेभले आफ्नो टेनिस जिवनको तेस्रो ग्राण्ड स्लामको सेमीफाइनलसम्मको यात्रा गर्नुभएको हो ।
गत् सेप्टेम्बर २०२० को यूएस ओपन यता मेदभेदेभले शीर्ष वरियताका दश जनै खेलाडीलाई हराएर आफ्नो अपराजित यात्रालाई कायम राख्नुभएको छ । सेमीफाइनलमा उहाँले राफल नाडल वा स्टिफानोस सिटसिपासमध्ये एकको सामाना गर्नुहुनेछ ।