म्यान्चेष्टर यूनाइटेडले रियल सोसिडाडलाई हरायो

गोरखापत्र अनलाइन
काठमाडौं, फाल्गुन ७ गते । म्यान्चेष्टर यूनाइटेडले रियल सोसिडाडमाथि ४–० को जित हात पारेको छ । यूरोपा लिग अन्तगर्त राउन्ड ३२ को पहिलो लेग खेलमा म्यान्चेष्टरले सोसिडाडमाथि भारी अन्तरको जित हात पारेको हो ।
पहिलो हाफमा ब्रुनो फर्नान्डेसको एक मात्र गोलबाट १–० को अग्रता लिएको म्यान्चेष्टर यूनाइटेडले दोस्रो हाफमा तीन गोल गर्यो । म्यान्चेष्टर यूनाइटेडको जितमा ब्रुनो फर्नान्डेसले दुई गोल गर्नुभयो । २७ औं मिनेटमा पहिलो गोल गर्दै उहाँले १–० को अग्रता दिलाउनुभयो । ५७ औं मिनेटमा ब्रुनो फर्नान्डेसले गर्नुभएको प्रहार सुरुमा अफसाइड दिइएपनि भिडियो रेभ्युले गोलको मान्यता दिएपछि म्यान्चेष्टर यूनाइटेडले २–० को अग्रता लियो ।
६४ औं मिनेटमा मार्कस राशफोर्डले गोल गर्दा म्यान्चेष्टर यूनाइटेडले अग्रतालाई तेब्बर पार्यो । डेनियल जेम्सले ९० औं मिनेटमा गोल थप्दा यूनाइटेडले रियल सोसिडाडमाथि ४–० को जित सुनिश्चित गर्यो ।