निर्देशिका उल्लघंन गर्दा वहाब रियाज र डारेन सामी क्वारेन्टिनमा

गोरखापत्र अनलाइन
फाल्गुन ८ गते । पाकिस्तान सुपर लिग सुरु हुन केही घण्टामात्रै बाँकी रहँदा लिगमा सहभागी दुई जना प्रमुख क्रिकेटर क्वारेन्टिनमा पुगेका छन् । पेशावर जल्मीका कप्तान वहाब रियाज र प्रशिक्षक डारेन सामी क्वारेन्टिनमा बसेका हुन् ।
कोभिड १९ सम्बन्धी निर्देशिकाको उल्लंघन गरेपनि दुबैजना तीन दिने क्वारेन्टिनमा लगिएका हुन । दुबैजनाले शुक्रबार एकजना बाहिरि ब्यक्तिसँग भेटघाट गरेका थिए । पेशावरले आइतबार पाकिस्तान सुपर लिगको उद्घाटन खेलमा लाहोर कलन्दर्स विरुद्ध खेल्नेछ । कप्तान वहाब रियाज तीन दिने क्वारेन्टिनमा गएपछि उहाँको स्थानमा कार्यवाहक कप्तानको जिम्मेवारी कसलाई दिने टुंगो लागेको छैन् । यद्यपि शोएब मल्लिक कार्यवाहक कप्तानको भूमिका पाउने बताइएको छ ।
यसैबीच, लाहोर कलन्दर्सका एक जना खेलाडीमा कोरोना सङ्क्रमणको पुष्टि भएको छ । उहाँमा कोभिड १९ को लक्षणसमेत देखिएको छ । उक्त खेलाडी दश दिने आइसोलेशनमा बस्नुपर्ने भएको छ ।