राजस्थान रोयलले प्रमुख प्रशिक्षकलाई हटायो

गोरखापत्र अनलाइन
काठमाडौं, फाल्गुन ९ गते । राजस्थान रोयलले आफ्नो प्रमुख प्रशिक्षक एन्ड्रयु म्याकडोनाल्डलाई पदमुक्त गरेको छ । उहाँ तीन वर्षे सम्झौता गरेर सन् २०१९ मा आईपीएलको फ्रेञ्चाइज राजस्थान रोयलमा आबद्ध हुनुभएको थियो ।
राजस्थान रोयलले श्रीलङ्काका पूर्ब कप्तान कुमार संगाकारालाई निर्देशकको रुपमा नियुक्त गरिरहँदा अष्ट्रेलियाका म्याकडोनाल्डलाई हटाएको हो । राजस्थानले भने फ्रेञ्चाइज र म्याकडोनाल्डबीचको आपसी सहमतिमा उक्त निर्णय लिइएको हो । म्याकडोनाल्ड हाल अष्ट्रेलियाको टी ट्वान्टी टोलिका प्रमुख प्रशिक्षकको रुपमा समेत कार्यरत हुनुहुन्छ । अष्ट्रेलियाली टोलि हाल न्युजिल्याण्डमा छ ।
राजस्थान रोयलले भने म्याकडोनाल्डलाई बिस्थापित नखोज्ने भएको हो । संगाकाराले नै निर्देशकसँगै प्रमुख प्रशिक्षकको जिम्मेवारी निर्वाह गर्नुहुनेछ । आईपीएलको पछिल्लो संस्करणमा राजस्थान रोयल अङ्क तालिकाको पूछारमा सीमित भएपछि म्याकडोनाल्डको प्रशिक्षणमाथि सबाल उठेको थियो ।