जसप्रित बुमराह चौथो टेष्टबाट बाहिरिए

गोरखापत्र अनलाइन
काठमाडौं, फाल्गुन १५ गते । भारतका तीब्र गतिका बलर जसप्रित बुमराहले इंग्ल्याण्ड विरुद्धको चौथो तथा अन्तिम टेष्ट खेल नखेल्ने हुनुभएको छ । ब्यक्तिगत् कारण देखाई उहाँले माग्नुभएको विदा टोलि ब्यवस्थापनले स्वीकृत गरेपछि चौथो टेष्टमा उहाँ नखेल्ने हुनुभएको हो ।
अन्तर्राष्ट्रिय क्रिकेट काउन्सिल(आईसीसी)को टेष्ट वरियतामा आठौं स्थानमा रहनुभएका बुमराहले पहिलो टेष्ट खेलमा चार विकेट लिनुभएको थियो । दोस्रो टेष्ट खेलमा उहाँलाई आराम दिइएको थियो । तेस्रो टेष्टमा फर्किनुभएका बुमराहले मात्रै छ ओभर बलिङ्ग गर्न पाउनुभयो ।
बुमराहको स्थानमा कुनै खेलाडीलाई बोलाइएको छैन् । उहाँको स्थानमा उमेश यादब वा मोहम्मद सिराजमध्ये एकले खेल्न पाउने छन् । उहाँलाई इंग्ल्याण्ड विरुद्धको टी ट्वान्टी श्रृखंला पूर्ब आराम दिने बताइएको थियो । टी ट्वान्टी श्रृखंलको पहिलो खेल मार्च १२ मा हुनेछ ।