मार्कस ट्रेस्कोथिक, जोन लेविस र जीतन पटेल प्रशिक्षक नियुक्त

गोरखापत्र अनलाइन
काठमाडौं, फागुन १७ गते । मार्कस ट्रेस्कोथिक, जोन लेविस र जीतन पटेल इंग्ल्याण्ड क्रिकेट टोलिका प्रशिक्षक नियुक्त हुनुभएको छ । मार्कस ट्रेस्कोथिक ब्याटिङ्ग, जोन लेविस बलिङ्ग र जीतन पटेल स्पिन बलिङ्ग प्रशिक्षकको जिम्मेवारी निर्वाह गर्नुहुनेछ ।
गत् डिसेम्बर महिनामा इंग्ल्याण्ड क्रिकेट बोर्ड(इसीबी)ले सुरु गरेको प्रशिक्षक नियुक्ति प्रकृया उहाँहरु तीनैजनाको नियुक्तिसँगै टुँगिएको छ । तीनैजनाले हाल कार्यरत क्रिस सिल्भरऊड, ग्राहम थोर्पे र पौल कलिंगऊड पूर्णकालीन सहायक प्रशिक्षकसँगै इंग्ल्याण्ड क्रिकेट टोलिलाई प्रशिक्षण दिनुहुनेछ ।
इंग्ल्याण्ड क्रिकेट टोलि यसअघि दक्षिण अफ्रिकाको भ्रमण गर्दा ट्रेस्कोथिक टोलिसँग्र भ्रमणमा जानुभएको थियो । त्यसयता इंग्ल्याण्ड क्रिकेट टोलिले श्रीलङ्का र भारतको भ्रमण गर्दा टोलिसँग हुनुहुन्थेन । श्रीलङ्का भ्रमणको क्रममा ज्याकस कालिस इंग्ल्याण्ड क्रिकेट टोलिसँग केही समयका लागि आबद्ध हुनुभएको थियो । भारत भ्रमणको क्रममा उक्त भूमिकामा जोनाथन ट्रट हुनुहुन्छ ।