मध्यपुरको श्रीकुमारीमाथि जित

गोरखापत्र अनलाइन
काठमाडौं, फागुन १८ गते । मध्यपुर युथ एशोसिएशनले श्रीकुमारीमाथि जित हात पारेको छ । शहीद स्मारक बी डिभिजन लिग अन्तगर्त आज सम्पन्न खेलमा मध्यपुरले श्रीकुमारीमाथि २–१ को जित हात पारेको छ ।
पहिलो हाफको अन्त्यतिर आशिष राईको गोलबाट श्रीकुमारीले मध्यपुरमाथि १–० को अग्रता कायम गर्यो । ४० औं मिनेटमा अग्रता बनाएको श्रीकुमारीले पाँच मिनेट पनि अग्रतालाई जोगाउन सकेनन । मध्यपुरका कैलाश लामिछानेले ४५ औं मिनेटमा गोल गर्दा खेल १–१ को बराबरीमा आयो । दोस्रो हाफको सुरुवातमै धिरज श्रेष्ठले मध्यपुरका लागि गोल थप्दा उक्त गोल नै खेलको निर्णायक रहन गयो ।
लामिछाने प्लेयर अफ द् म्याच घोषित हुनुभयो ।