सेभियालाई हराउँदै बार्सिलोना कोपा डेल रेको फाइनलमा पुग्यो

गोरखापत्र अनलाइन
काठमाडौं, फागुन २० गते । बार्सिलोनाले कोपा डेल रेको सेमिफाइनलमा सेभियामाथि ३–० को जित हात पारेको छ । पहिलो लेगमा २–० को हार बेहोरेको बार्सिलोनाले उक्त हारको बदला लिँदै जितसँगै उपाधिको यात्रामा समेत आफ्नो स्थान सुनिश्चित गरेको छ ।
पहिलो हाफमा १–० को अग्रता लिएको बार्सिलोनालाई दोस्रो हाफमा सेभियाले कडा चुनौती दिँदै कुनै गोल गर्ने मौका दिएनन । बार्सिलोनाले फाइनलसम्मको यात्रा तय गर्न सेभियालाई हराउन दुई मिनेटकै अन्तरालमा अतिरिक्त समयमा दुई गोल गर्यो । मार्टिन ब्रैथवेटले अतिरिक्त समयको पाँचौं मिनेटमा निर्णायक गोल गर्नुभयो ।
ओसमाने डिम्बालाले बार्सिलोनाका लागि १२ औं मिनेटमा सुरुवाती गोल गर्नुभयो । जिर्राड पिकले अतिरिक्त समयमा गोल गर्दा बार्सिलोनाले २–२ को बराबरी गर्यो ।
कोपा डेल रेको आफ्नो ३१ औं जित हात पार्ने अभियानमा रहेको बार्सिलोनाले फाइनलमा एथलेटिको बिल्बाओ वा लेभान्टेको सामना गर्नेछ ।