इन्टर मिलानले एटलान्टलाई हरायो

गोरखापत्र अनलाइन
काठमाडौं, फागुन २५ गते । इन्टर मिलानले एटलान्टालाई हराएको छ । इटाली सिरी ए अन्तर्गत गए राति सम्पन्न खेलमा इन्टर मिलानले एटलान्टामाथि १–० को जित हात पारेको हो ।
जितसँगै इन्टर मिलान इटाली सिरी ए को शीर्षस्थानमा छ अङ्कको स्पष्ट अग्रता लिएको छ । पहिलो हाफ गोलरहित बराबरीमा सम्पन्न भएको खेलको ५४ औं मिनेटमा स्क्रिनैरले गर्नुभएको एक मात्र गोल इन्टर मिलानको जितका लागि पर्याप्त भयो ।
एन्टोनियो कोन्टेको इन्टर मिलानले लिगको आफ्नो पछिल्लो सात खेलमा लगातार जित हात पारेको छ । सन् २०१० पछि पहिलो पटक इन्टर मिलान सिरी ए को उपाधितर्फ अग्रसर हुँदैछ । एटलान्टाले भने लगातार चौथो जितपछि पहिलो पटक हार बेहोरेको हो । ऊ पाँचौं स्थानमा यथवात् छ । ५० अङ्कसहित रोमा चौथो स्थानमा र ४९ अङ्क जोडेर एटलान्टा पाँचौं स्थानमा छ ।