हश्मतुल्लाह दोहोराे शतक लगाउने अफगानिस्तानका पहिलो क्रिकेटर

गोरखापत्र अनलाइन
काठमाडौं, फागुन २८ गते । हश्मतुल्लाह शाहिदी टेष्ट क्रिकेटमा दोहोराे शतक लगाउने अफगानिस्तानका पहिलो क्रिकेटर बन्नुभएको छ । टेष्ट क्रिकेटमा शतक लगाउने अफगानिस्तानका अशगर अफगान र रहमत शाहपछि उहाँ तेस्रो ब्याट्सम्यान हुनुहुन्छ ।
जिम्बाबवे विरुद्धको दोस्रो टेष्टको पहिलो पारीमा उहाँले अविजित रहँदै दुई सय रन बनाउनुभएको छ । सन् २०१९ को नोभेम्बरमा अफगानिस्तानको टोली ब्यवस्थापनले वेष्टइन्डिज विरुद्धको टेष्टमा हश्मतुल्लाहलाई आराम दिएको थियो । उक्त श्रृखंलापछिको पहिलो श्रृखंलामै उहाँले ४४३ बलको सामना गर्दै दोहोराे शतक लगाउनुभएको हो ।
जिम्बाबवे विरुद्धको दोस्रो टेष्टको पहिलो पारीमा अफगानिस्तानले चार विकेटको क्षतिमा ५४५ रनमा पारी घोषणा गरेको छ । अशगर अफगानले १६४ रन बनाउनुभयो ।
जिम्बाबवेले भने तेस्रो दिन नै पहिलो पारीको सुरुवात गर्दै बिना कुनै क्षतिमा ६४ रन जोडेको छ ।