ईपीएल टी–२० क्रिकेट: चितवनको लगातार चौंथो विजय

काठमाडौं, असोज १७ गते । चौंथो संस्करणको एभरेष्ट प्रिमियर लिग (ईपीएल)टी–२० क्रिकेटमा चितवन टाइगर्स विजयी भएको छ । यो चितवनको लगातार चौंथो विजय हो । कीर्तिपुरस्थित त्रिवि क्रिकेट मैदानमा आइतबार भएको दोस्रो खेलमा ललितपुर प्याट्रीयट्सलाई ५ विकेटले पराजित गर्दै चितवनले लगातार चौंथो जीत हात पारेको हो । टस जितेर पहिले ब्याटिङ गरेको ललितपुरले २० ओभरमा ९ विकेट गुमाएर १०८ रन बनाएको थियो । ललितपुरले दिएको १०९ रनको लक्ष्य चितवनले १७ ओभर २ बलमा ५ विकेट गुमाएर पूरा गरेको थियो ।