ईपीएल टी–२० क्रिकेटमा भैरहवाले चितवनलाई ६ विकेटले हरायो

 

काठमाडौं, असोज १८ गते । चौंथो संस्करणको एभरेष्ट प्रिमियर लिग (ईपीएल) टी–२० क्रिकेटमा भैरहवा ग्याडियटर्स विजयी भएको छ । कीर्तिपुरस्थित त्रिवि क्रिकेट मैदानमा सोमबार भएको दोस्रो खेलमा चितवन टाइगर्सलाई ६ विकेटले हराउँदै भैरहवा ग्याडियटर्स विजयी भएको हो । चितवनले दिएको १६५ रनको लक्ष्य भैरहवाले १७ ओभर ५ बलमा ४ विकेट गुमाएर पूरा गरेको थियो । टस जितेर पहिले ब्याटिङ गरेको चितवनले निर्धारित २० ओभरमा ८ विकेट गुमाएर १६४ रन मात्र बनाएकाे थियो ।