केनको ह्याट्रिक, इङ्गल्यान्ड विश्वकपमा

लन्डन, कात्तिक २७ गते । हेरी केनको ह्याट्रिकको सहयो अल्बानियालाई शुक्रबार राति ५–० हराएर गमा इङगल्यान्ड विश्वकप फुटबल प्रतियोगिता २०२२ मा चयन भएको छ । इङ्गल्यान्डका लागि हेरी मिगएर र जोर्डन हेन्डरसनले पनि गोल गर्नुभयो ।

विश्वकप छनौटमा स्विट्जरल्यान्डसँग १–१ ले बराबरीमा रोकिएपछि इटालीको पर्खाइ लम्बिएको हो । खेलको ९० औँ मिनेटमा जर्जिन्होले पेनाल्टीमा गोल गर्न नसक्दा इटाली जितबाट वञ्चित भएको थियो । युरोपेली च्याम्पियन इटाली पछिल्लो विश्वकपमा चयन हुन सकेको थिएन । समूह सीमा इटाली अहिले गोल अन्तरको आधारमा मात्र स्विट्जरल्यान्डलाई पछाडि पारेर शीर्ष स्थानमा छ । समूह विजेता टिम मात्र विश्वकपमा स्वतः चयन हुनेछ । दोस्रो स्थानमा रहने टिमले प्लेअफ खेल्नुपर्ने प्रावधान छ ।

समूह एफमा स्कटल्यान्डले माल्डोभालाई २–० ले हराएर प्लेअफमा स्थान बनाएको छ । स्कटल्यान्ड सन् १९९८ पछि पहिलो पटक विश्वकपमा चयन हुने अभियानमा छ । यस समूहमा विजेता बनेर विश्वकपमा चयन भइसकेको डेनमार्कले शुक्रबार राति फारोइ आइल्यान्डलाई ३–१ ले हराएको थियो । डेनमार्कले छनोट चरणमा नौ वटा खेल जितेको छ । एपी