आरडब्लु विन्टर स्लाममा चट्टान च्याम्पियन

काठमाडौँ, पुस १७ गते । आरडब्लु विन्टर स्लाम रेस्लिङमा चट्टानले हेभीवेट बेल्टको उपाधि रक्षा गर्नुभएको छ । बूढानीलकण्ठको चुनीखेल मैदानमा शनिबार भएको प्रतियोगिताको हेभीवेट उपाधिका लागि भएको प्रतिस्पर्धामा चट्टानले डेविडलाई हराउँदै हेभीवेट बेल्ट आफैसँग सुरक्षित राख्नुभयो । उपाधिसँगै उहाँले ८० हजार रुपियाँ पुरस्कार पाउनुभयो।

लाइट हेभीवेटमा साइनले यूबीएल स्टोनलाई हराउनुभयो । उहाँले ५० हजार रुपियाँ पुरस्कार पाउनुभयो । त्रिपल थ्रेट म्याचमा बाकाले एक्स हिरो र योङ सेडीको चुनौती पन्छाउँदै ४५ हजार रुपियाँ प्राप्त गर्नुभयो । लाइट वेट म्याचमा सिजे वल्र्डले महिला रेस्लर तनुलाई हराउँदै २५ हजार रुपियाँ पुरस्कार पाउनुभयो ।

हार्डकोर म्याचमा किङ रोबर्टले नुवाकोटे टाइगरलाई हराउँदै ६० हजार रुपियाँ पुरस्कार पाउनुभयो । प्रतियोगितामा बूढानीलकण्ठ नगरपालिका वडा नम्बर १३ को विशेष सहयोग थियो । संघले जलवायु दिवासको अवसरमा दोस्रो द विन्टर स्लाम सिन्धुपोलचोकको गुफा डाँडामा आइतबार आयोजना गर्ने जनाएको छ ।