एसिया कप फुटसलका लागि खेलाडी छनोट

काठमाडौँ, पुस १९ गते । अप्रिल १ देखि १५ तारिखसम्म किर्गिस्तामना आयोजना हुने एएफसी फुटबल एसिया कप छनोटका लागि नेपाली प्रारम्भिक खेलाडी टोलीको घोषणा भएको छ ।

राष्ट्रिय फुटसल टोलीका मुख्य प्रशिक्षक गौरव बस्नेतले सोमबार ३२ सदस्यीय प्रारम्भिक खेलाडी टोलीको घोषणा गर्नुभएको हो । प्रशिक्षक बस्नेतले शुक्रबारदेखि खेलाडीलाई बन्द प्रशिक्षणमा बोलाउनु भएको छ । प्रतियोगिातको ड्र बिहीबार हुने बताईएको छ ।

प्रशिक्षक बस्नेतले असोज २ देखि २२ गतेसम्म पोखरामा सम्पन्न राष्ट्रिय फुटसल ‘ए’ डिभिजन लिगमा गरेको प्रदर्शनका आधारमा खेलाडी छनोट गर्नुभएको हो । नेपाली टोलीको प्रारम्भिक प्रशिक्षण पनि अन्तिम तयारी पोखरामा हुने बताईएको छ ।

प्रारम्भिक टोलीका खेलाडीहरु :

गोलरक्षक – अनिष श्रेष्ठ, विश्वास पौडेल, लक्ष्मण थापा, सचिन श्रेष्ठ, सन्जिव तामाङ र सुमित कुमार आले

फिक्सो – अरुज सिंह, विजय श्रेष्ठ, विक्कु तामाङ र सरोज तामाङ

पिभोट – अविनाश तामाङ, विक्रान्त नरसिंहराना, धिरज जोशी, हेमन्त गुरुङ, खिमराज गुरुङ, किहोर गुरुङ, मिलन राई, प्रवेश जोशी, रिवोस मास्के र सुशान श्रेष्ठ

एला – आदिल हामिद, अमित लामा, जेनिस प्रजापति, किरण चौधरी, क्रिजल श्रेष्ठ, मणि कुमार लामा, मनोज गुरुङ, रन्जित गुरुङ, रोशन छन्तयाल, सुमित श्रेष्ठ, सुरज गुरुङ र उर्केन शेर्पा ।