सेन्ट्रल ओपन गल्फमा ४२ खेलाडी
काठमाडौँ, पुस २६ गते । सूर्य नेपाल गल्फ टुर अन्तर्गत सिजनको तेस्रो प्रतियोगिता सेन्ट्रल ओपन गल्फ मङ्गलबारबाट सुरु हुने भएको छ । नेपाल प्रोफेसनल गल्फर्स एसोसिएसनले सोमबार पत्रकार सम्मेलन गरी प्रतियोगितमा ४२ खेलाडीको सहभागिता रहने जनाएको छ ।
एसोसिएसनका महासचिव दीपक आचार्यका अनुसार प्रतियोगितामा ३४ प्रोफेसनल र आठ एमेच्योर गल्फरको सहभागिता रहनेछ । ७२ होलको चारदिने प्रतियोगितामा प्रोफेसनलतर्फको विजेताले एक लाख ३५ हजार, उपविजेताले ८८ हजार र तेस्रो हुनेले ६५ हजार रपियाँ पुरस्कार प्राप्त गर्नेछन् ।
स्ट्रोक प्ले फरम्याटमा खेलाइने प्रतियोगितामा शीर्ष २१ मा अटाउने प्रोफेसनलले समेत आकर्षक नगद पुरस्कार हात पार्नेछन् । एमेच्योर तर्फको विजेताले ट्रफी पाउनेछन् ।