तयार भयो पुनर्कर्जा कार्यविधिको मस्यौदा

केन्द्रीय बैङ्कबाट उपलब्ध गराइने पुनर्कर्जा सुविधालाई थप व्यवस्थित र प्रभावकारी बनाउन पुनर्कर्जा कार्यविधि, २०७७ को मस्यौदा तयार भएको छ । नेपाल राष्ट्र बैङ्कले साना तथा घरेलु उद्यमका लागि १५ लाखसम्मको पुनर्कर्जा दिन सकिने प्रावधानसहित पुनर्कर्जा कार्यविधि, २०७७ ल्याएको हो ।

जेठ २५ भित्र कर तिर्नुपर्ने

लकडाउनका कारण फागुन र चैतमा बुझाउनुपर्ने कर आगामी जेठ २५ गतेसम्म बुझाउन सरकारले करदातालाई स्मरण गराएको छ । लकडाउनले कर तिर्न समस्या हुने भएपछि सरकारले पहिलोपटक वैशाख २५ गतेसम्मका लागि कर तिर्नुपर्ने मिति तय गरेको थियो । त्यसमा पनि संशोधन गर्दै जेठ २५ गतेसम्म कर तिर्नसक्ने गरी सरकारले दोस्रोपटक निर्णय गरेको थियो । मङ्गलबार सरकारले यसअघि कर तिर्नका लागि तोकिएको मिति करदातालाई स्मरण गराएको आन्तरिक राजस्व विभागका...

सिँचाइको छ अर्ब रोजगारी केन्द्रित हुने

आगामी आर्थिक वर्षका लागि सिँचाइतर्फ विनियोजित २८ अर्ब रुपियाँमध्ये ६ अर्ब रुपियाँ रोजगारी सिर्जना गर्नमा केन्द्रित गर्ने तयारी सरकारको छ । कोरोनाभाइरस (कोभिड–१९) का कारण स्वदेशमै र विदेशमा रोजगारी गुमाएकाहरूलाई लक्षित गर्दै कृषि क्षेत्रमा रोजगारी सिर्जना हुने गरी बजेट व्यवस्था गरिएको ऊर्जा, जलश्रोत तथा सिँचाइ मन्त्रालयले जनाएको छ । ऊर्जा, जलश्रोत तथा सिँचाइ मन्त्रालयको प्रस्तावमा बजेटमा ‘समृद्ध तराई–मधेस...

एडीबीले दियो ३० अर्ब बजेट सहायता

एसियाली विकास बैङ्क (एडीबी)ले कोरोना भाइरस (कोभिड–१९)को रोकथाम र अर्थतन्त्रमा पर्ने असर न्यूनीकरणका लागि नेपाललाई बजेट सहायता उपलब्ध गराएको छ । सहुलियतपूर्ण ऋणमा प्रदान गरिने २५ करोड अमेरिकी डलर (करिब ३० अर्ब रुपियाँ)को सम्झौतामा सोमबार हस्ताक्षर भएको छ ।

व्यावसायिक खेतीका लागि नयाँ बीउ तयार

राष्ट्रिय मकै बाली अनुसन्धान कार्यक्रमले उत्पादन गरेको नेपालको रामपुर वर्णशङ्कर १० मकै व्यावसायिक खेतीका लागि तयार भएको छ । अनुसन्धान कार्यक्रमका संयोजक डा. केशवबाबु कोइरालाका अनुसार यसअघि कार्यक्रमले गौरव, खुमल २, रामपुर वर्णशङ्कर २, ४, ६ र ८ को व्यावसायिक उत्पादनका लागि पठाइसकेको छ ।