काठमाडौं, भदौ १२ गते । पछिल्लो २४ घण्टामा एक हजार ५१६ जनामा कोरोना सङ्क्रमण पुष्टि भएको छ । नौ हजार ४०९ जनामा गरिएको आरटीपीसीआर परीक्षणमा सो सङ्ख्यामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
त्यस्तै तीन हजार ७६७ जनामा गरिएको एन्टीजेन परीक्षमा ३४१ जनामा सङ्क्रमण देखिएको स्वास्थ्य मन्त्रालयले जनाएको छ ।
पछिल्लो २४ घण्टामा थपिएका सङ्क्रमितसँगै नेपालमा कोरोनाका कुल सङ्क्रमित सात लाख ५८ हजार ८ पुगेको छ । हालसम्म ३८ लाख ८६ हजार ८७८ नमुनाको आरटीपीसीआर परीक्षण गरिएको छ ।
मन्त्रालयका अनुसार हाल ३६ हजार ८६६ जना सक्रिय सङ्क्रमित छन् । पछिल्लो २४ घण्टामा दुई हजार २२२ जना कोरोनामुक्त भएका छन् । हालसम्म सात लाख १० हजार ४५० जना निको भएका छन् ।
स्वास्थ्य मन्त्रालयका अनुसार नेपालमा हालसम्म १० हजार ६९० जना कोरोना सङ्क्रमितको मृत्यु भइसकेको छ । पछिल्लो २४ घण्टामा थप २७ जनाको मृत्यु भएको स्वास्थ्य मन्त्रालयले जनाएको छ ।
