चाैध अर्ब बराबरको भदैया धान उत्पादन

बाराका कृषकहरुले आर्थिक वर्ष ०७८/०७९ मा खेती गरेको भदैया धान प्रति हेक्टर ४.५ मेट्रिकटनका दरले उत्पादन हुनुपर्नेमा बेमौसमी बर्षाको कारणले गर्दा प्रति हेक्टर दशमलव ३ मेट्रिकटनले क्षति भई प्रति हेक्टर ४.३ मेट्रिकटनले धान उत्पादन भएको कृषि ज्ञान केन्द्र बारा कलैयाले जनाएको छ ।

धान बेच्न मुस्किल

कैलालीका किसानलाई यस वर्ष धान बिक्री गर्न मुस्किल भएको छ । वर्षा र बाढीले बाली बिगारेपछि धान बिक्री गर्न मुस्किल भएको हो । बाढीबाट बल्लतल्ल जोगाएको धान निजी खरिदकर्ताले सहजै लिन मानेका छैनन् । यस्तो हुँदा किसानलाई आफ्नो उत्पादन बिक्री गर्न धौधौ भएको छ । बिक्री गर्न लगेको धान व्यापारीले हेरेर फिर्ता पठाउने गरेको भजनी नगरपालिका–२ का कृषक गङ्गाराम चौधरीले बताउनुभयो ।

दुुई सिफ्टमा काम गर्न निर्देशन

श्रम, रोजगार तथा सामाजिक सुरक्षा मन्त्रालयले ताहचलस्थित श्रम कार्यालयलाई दुुई सिफ्टमा काम सञ्चालन गर्न निर्देशन दिएको छ । श्रम स्वीकृति नवीकरण छिटोछरितो नहुँदा आफूहरूले सास्ती खेप्नुपरेको सेवाग्राहीको गुनासो बढेपछि मन्त्रालयले दुुई सिफ्टमा सेवा सञ्चालन गर्न निर्देशन दिएको हो ।

सरकारले ग-यो चार अर्ब कर फिर्ता

गत आर्थिक वर्ष २०७७/७८ मा सरकारले करिब चार अर्ब रुपियाँ कर फिर्ता गरेको छ । आन्तरिक राजस्व विभाग र मातहतका कार्यालयहरूले गत आवमा तीन अर्ब ९५ करोड रुपियाँ कर फिर्ता गरेका हुन् । विभागका अनुसार कूटनीतिक निकाय तथा कूटनीतिज्ञको मूल्य अभिवृद्धि कर र सरकारले समय–समयमा दिँदै आएको कर छुट सुविधासमेत गरेर उक्त रकम बराबरको कर फिर्ता गरिएको हो । गत आवमा कर फिर्ताका लागि एक हजार ५१८ वटा दाबी परेका थिए । ती सबैबाट १९ अर्ब २४ करोड...

धितो लिलाम गर्न छ महिना पर्खिनुपर्ने

लघुवित्त वित्तीय संस्थाले कर्जाको भाका नाघेको छ महिनासम्म धितो लिलाम गर्न नपाउने भएका छन् । नेपाल राष्ट्र बैङ्कबाट ‘घ’ वर्गको इजाजतपत्र प्राप्त लघुवित्त वित्तीय संस्थाहरूलाई जारी गरिएको निर्देशन, २०७७मा संशोधन/परिमार्जन/थप व्यवस्था सम्बन्धमा जारी गरिएको एकीकृत निर्देशिकामा यस्तो व्यवस्था गरिएको हो ।