'तालिबान काबुलबाट मात्र सात माइल टाढा'

देशभरि हिंसात्मक गतिबिधि तीब्र बनाएर भू भाग नियन्त्रणमा लिन सफल बिद्रोही समूह तालिबान अफगानिस्तानको राजधानी काबुलबाट मात्र ११ किलोमिटरको दूरीमा रहेको छ । स्थानीय एकजना सांसदले एपी समाचार संस्थाको कुराकानीमा तालिबान काबुल नजिक पुगेको बताउनुभएको छ । बीबीसीका अनुसार तालिबान हाल काबुलसँग जोडिएको चार अश्एब जिल्लामा छन् । काबुलको दक्षिणपट्टी उक्त जिल्ला अवस्थित छ ।

पाकिस्तान र तालिबान अधिकारीबीचको वार्तापछि सीमा खोलियो

पाकिस्तानसँग जोडिएको अफगानिस्तानको चमन सीमा क्षेत्र सुचारु भएको छ । तालिबानले उक्त सीमा आफ्नो नियन्त्रणमा लिएपछि बन्द गरिएको थियो । तालिबानी अधिकारीहरुले पाकिस्तानसँग वार्ता गरेपछि सीमा खुलाइएको पाकिस्तानको डाँन समाचारले उल्लेख गरेको छ । सीमा बन्द हुँदा वस्तुको आयात निर्यात ठप्प भएको थियो ।

जापानमा भारी वर्षा, दश लाख ब्यक्तिलाई घर खाली गर्न आग्रह

जापानमा भारी वर्षापछि दश लाख ब्यक्तिलाई सुरक्षित स्थानमा सर्न आग्रह गरिएको छ । फुकुओका र हिरोशिमामा भारी वर्षाको अनुमान गरिएको छ । अधिकारीहरुले भारी वर्षा भइरहेको क्षेत्रका सर्वसाधारणलाई सुरक्षित स्थलतर्फ लाग्न आग्रह गरेका छन् । नागासाकीमा भू स्खलनमा दुइ घर ध्वस्त हुँदा एकजना महिलाको मृत्यु भएको छ । उहाँकी श्रीमान र छोरी हराइरहेका छन् । उक्त क्षेत्रमा १५० जना सेना, प्रहरी र अग्नि नियन्त्रकलाई उद्धार र सहयोगका...

कूटनीतिज्ञ ओसार्न अमेरिकी सेना काबुलमा अवतरण गर्यो

अफगानिस्तानमा रहेका कूटनीतिज्ञलाई ओसार्न अमेरिकी सेनाको पहिलो दस्ता काबुल विमानस्थलमा अवतरण गरेको छ । तालिबानले अफगानिस्तानको ३४ मध्ये करिब १७ प्रान्तीय राजधानी आफ्नो नियन्त्रणमा लिएपछि अमेरिकाले काबुलस्थित दूताबासबाट कुटनीतिज्ञ तथा कर्मचार ओसार्न लागेको हो । टोलो समाचारका अनुसार काबुलस्थित अमेरिकी दूतबासमा कार्यरत हजारौं कुटनीतिज्ञलाई सुरक्षित रुपमा अमेरिका लग्न सैन्य दस्ता काबुल आइपुगेको हो ।

क्यानाडामा सङ्क्रमित हुनेकाे संख्या बढ्यो

क्यानाडामा कोरोनाभाइरसबाट सङ्क्रमित हुनेको संख्यामा बृद्धि भएको छ । गएको साताको अपेक्षा यस साता नयाँ पुष्टि हुने सङ्क्रमित ७० प्रतिशतले बढेको जनस्वास्थ्य निकायले जनाएको छ । शुक्रबार क्यानाडामा दुई हजार ४१२ नयाँ सङ्क्रमितको पहिचान गरिएको छ । हालसम्म १४ लाख ४९ हजार ८५१ जना सङ्क्रमित भएका छन् । क्यानाडामा सबैभन्दा बढी ब्रिटिश कोलम्बियामा ७१७ र अल्बार्टामा ५८२ पुष्टि भएका छन् ।