भारतमा ४० हजार सङ्क्रमित थपिए

भारतमा गएको चौबीस घण्टामा ४० हजार १२० सङ्क्रमितको पुष्टि भएको छ । थपिएका सङ्क्रमितसँगै भारतमा कोरोनाका कुल सङ्क्रमित तीन करोड २१ लाख १७ हजार ८२६ पुगेको छ । भारतीय स्वास्थ्य तथा परिवार कल्याण मन्त्रालयका अनुसार भारतमा हाल तीन लाख ८५ हजार २२७ जना सक्रिय सङ्क्रमित छन् । गएको चौबीस घण्टामा ५८५ जनाको कोरोना सङ्क्रमणले मृत्यु भएको छ ।

अफगानिस्तानको दोस्रो ठूलो शहर तालिबानको कब्जामा

तालिबानले अफगानिस्तानको दोस्रो ठूलो शहर कान्धार आफ्नो नियन्त्रणमा लिएको छ । कुनै बेला तालिबानको गढ रहेका कान्धार पछिल्ला वर्षहरुमा उसको नियन्त्रणबाट अफगान सरकारले फर्काउन सफल भएको थियो । बीबीसीका अनुसार बिद्रोही समूह तालिबानले कान्धार नजिकको अर्को शहर लश्कर गाह समेत आफ्नो नियन्त्रणमा लिएको छ ।

सङ्क्रमित बढेपछि इजरायलले प्रतिबन्ध थप्यो

इजरायलले कोरोनाभाइरसका सङ्क्रमित बढेपछि नयाँ प्रतिबन्ध घोषणा गरेको छ । नयाँ प्रतिबन्ध बमोजिम एकै ठाउँमा भेला हुन नपाउने तथा बाहिरबाट आउनेका लागि खोप पासपोर्ट लागू गरेको छ । नयाँ ब्यवस्था अनुसार रेष्टुरेञ्ट, बार तथा होटेलमा सीमित ब्यक्ति मात्रै रहन पाउनेछन् । प्रधानमन्त्री नैफ्टली बेनेट्टले स्वास्थ्य निकायलाई अझै राम्ररी सञ्चालनका लागि सहयोग उपलब्ध गराउने बताउनुभएको छ । उहाँले इजरायललाई सयौं ब्यक्तिलाई एकै...

सुडानले ओमार अल बशिरलाई आईसीसीलाई बुझाउने

सुडानले लामो समयसम्म सत्तामा रहनुभएका ओमार अल–बशिरलाई अन्तर्राष्ट्रिय अपराध अदालतलाई बुझाउने जनाएको छ । डार्फर युद्धको मुद्दामा बशिरसहित अन्य दुई अधिकारीलाई बुझाउने सुडानले जनाएको छ । ७७ वर्षीय बशिर युद्ध अपराध र मानवीयता बिरुद्धको अपराधमा दश वर्षदेखि हेगस्थित अन्तर्राष्ट्रिय अदालतको खोजीको सूचीमा छन् । डार्फर युद्धमा कम्तिमा तीन लाख ब्यक्तिको मृत्यु र २५ लाख ब्यक्ति बिस्थापित भएको संयुक्त राष्ट्र संघले...

तालिबानले गजनी शहर नियन्त्रणमा लियो

तालिबान सशस्त्र समूहले गजनी प्रान्तको राजधानी गजनी शहर आफ्नो नियन्त्रणमा लिएको जनाएको छ । राजधानी काबुलबाट गजनी शहर १३० किलोमिटर दक्षिण पश्चिममा अवस्थित छ । केही दिनभित्रै तालिबानले कब्जामा लिएको यो अफगानिस्तानको दशौं प्रान्तीय राजधानी हो । एक जना सरकारी अधिकारीले अलजजिरासँगको कुराकानीमा सरकारले तालिबानलाई हिंसा अन्त्य गरी सत्तामा साझेदारीको प्रस्ताब गरेको बताउनुभएको छ ।