बङ्गलादेशमा थप पाँच दिनका लागि लकडाउन बिस्तार

बङ्गलादेश सरकारले कोभिड–१९ नियन्त्रणका लागि जारी बन्दाबन्दी (लकडाउन)लाई थप कडाईका साथ आगामी पाँच दिनका लागि बिस्तार गर्ने निर्णय गरेको छ । सरकारले महामारी नियन्त्रणका लागि यस पहिले जारी गरेको लकडाउन १० अगष्टसम्मका लागि बढाउने निर्णय लिएको राजधानी ढाकामा मंगलबार आयोजित उच्चस्तरीय बैठकपछि पत्रकार सम्मेलनमा मन्त्री ए.के.एम. मोजमेल हकले बताउनुभएको छ ।

कोभिड–१९ विरुद्धको खोप अभियानमा अमेरिकाभन्दा यूरोप अगाडि

युरोपेली संघ (ईयू)को आधा जनसङ्ख्याले कोभिड–१९ विरूद्धको खोप लगाईसकेको छ । एएफपीको मङ्गलबारको एक अध्ययन रिपोर्ट अनुसार कोभिड–१९ विरूद्धको खोप अभियानमा ईयू संयुक्त राज्य अमेरिकाभन्दा अगाडि रहेको पाइएको छ । ईयूका २७ सदस्य राष्ट्रमा झण्डै २२ करोड ४० लाख व्यक्तिले कोभिड–१९ विरूद्धको खोप लिएका छन् । यसमध्ये स्पेनमा ५८.३ प्रतिशत जनसङ्ख्याले खोप लगाएर ठूला देशका कार्यक्रमलाई अग्रता दिएको छ । त्यसपछि इटाली मा ५४.४ प्रतिशत,...

२४ रुसी कूटनीतिज्ञलाई देश छोड्न अमेरिकी आदेश

अमेरिकी सरकारले २४ रुसी कूटनीतिज्ञलाई देश छोड्न आदेश दिएको छ । उनीहरुको प्रवेशाज्ञा सेप्टेम्बर ३ सम्ममा सकिने भएकोले उनीहरुलाई सो समयसम्म अमेरिका छोडिसक्न भनिएको हो । अमेरिकामा रहेको रुसी दूतावासले सो कुराको जानकारी दिएको बताइएको छ । अमेरिकाका लागि रुसी राजदूत एन्टोली एन्टोनोभले भन्नुभएको छ, हामीलाई आगामी सेप्टम्बर ३ तारिख अगावै ती कूटनीतिज्ञले अमेरिका छोड्नु भनेर अमेरिकाले २४ जनाको सूची पठाएको छ ।

जापानमा भूकम्प

जापानको हसाकीमा भूकम्प गएको छ । भूकम्पको म्याग्निच्युड ५.१ मापन गरिएको छ । अन्तर्राष्ट्रिय सञ्चारमाध्यमहरुका अनुसार हासाकीको ११२ किलोमिटर उत्तर पूर्बमा करिब तीन बजे भूकम्प गएको हो । अमेरिकी जियोलोजिकल सर्भेले भूकम्पको केन्द्र जमीनको सतहबाट १० किलोमिटर भित्र मापन गरिएको उल्लेख गरेको छ । भूकम्पबाट भएको क्षति सम्बन्धमा बिस्तृत विवरण आएको छैन् ।

कान्धारमा संघर्ष, १५ सर्वसाधारणको मृत्यु, १२० घाइते

अफगानिस्तानको कान्धारमा सुरक्षाकर्मी र तालिबान बिद्रोहीबीचको संघर्षमा कम्तिमा १५ सर्वसाधारणको मृत्यु भएको छ । संयुक्त राष्ट्र संघले कान्धार र लक्सरगाहमा गएको तीन दिन यता सुरक्षाकर्मी र तालिबानबीच भएको भिडन्त सर्वसाधारण मारिएको जनाएको छ । एकपछि अर्को ट्वीट गर्दै अफगानिस्तानमा रहेको संयुक्त राष्ट्र संघको मिसन(उनामा)ले भिडन्तले हजारौं सर्वसाधारण बिस्थापित भएको जनाएको छ । लश्करगाहमा मात्रै दश सर्वसाधारणको मृत्यु...