चीनमा बाढीमा मृत्यु हुनेको संख्या तीन सय नाघ्यो

चीनको हेनान प्रान्तमा बाढीको प्रकोपमा परेर मृत्यु हुनेको संख्या तीन सय नाघेको छ । सिन्हवाका अनुसार प्रान्तीय सरकारको सूचना कार्यालयले एक पत्रकार सम्मेलनको आयोजना गरेर बाढीको क्षतिबारे जानकारी गराउँदै मृतकको संख्या बढेको पुष्टि गरेको हो । कार्यालयका अनुसार कम्तिमा ५० जना अझै हराइरहेका छन् । प्रान्तीय राजधानी झेङ्गझाउ शहरमा मात्रै हालसम्म २९२ जनाको मृत्युको पुष्टि भएको र ४७ जना हराइरहेको बताइएको छ ।

श्रीलङ्कामा कोरोना सङ्क्रमित बढ्यो–विश्व स्वास्थ्य संगठन

विश्व स्वास्थ्य संगठन(डब्ल्यु एच ओ)ले श्रीलङ्कामा कोरोना सङ्क्रमित बढेको जनाएको छ । गएको केही साता यता विश्वभरि सङ्क्रमित हुने बढिरहँदा श्रीलङ्कामा भने उल्लेख्य संख्यामा वृद्धि भएको संगठनले जनाएको छ । विश्व स्वास्थ्य संगठन, श्रीलङ्काले सङ्क्रमित हुनेमा अधिकांश कोभिड १९ को उच्च सङ्क्रामक डेल्टा स्वरुपको रहेका जनाएको छ । श्रीलङ्कामा पछिल्लो केही दिन यता दैनिक दुई हजारभन्दा बढी सङ्क्रमित थपिदै आएका छन् । अधिकारीहरुले...

क्यालिफोर्नियामा हेलिकप्टर दुर्घटनामा चारको मृत्यु

अमेरिकाको क्यालिफोर्नियामा हेलिकप्टर दुर्घटनामा कम्तीमा चार जनाको मृत्यु भएको छ । क्यालिफोर्नियाको कोलुसा काउन्टिमा उक्त दुर्घटना भएको बताइएको छ । अमेरिकाको सङ्घीय उड्डयन प्रशासनका अनुसार आर ६६ हेलिकप्टर स्थानीय समयअनुसार आइतबार अपरान्ह करिब एक बजे दुर्घटना भएको हो । हेलिकप्टरमा सबार चारैजनाको मृत्यु भएको कोलुसा शेरिफ विभागले पुष्टि गरेको छ ।

भारतमा ४० हजारभन्दा बढी सङ्क्रमित थपिए

भारतमा गएको चौबीस घण्टामा ४० हजारभन्दा बढी सङ्क्रमित थपिएका छन् । थपिएका सङ्क्रमितसँगै कोरोनाभाइरसका कुल सङ्क्रमित तीन करोड १६ लाख ९५ हजार ९५८ पुगेको छ । गएको चौबीस घण्टामा ४२२ जना सङ्क्रमितको मृत्यु भएको छ । हालसम्म चार लाख २४ हजार ७३३ जना सङ्क्रमितले कोरोनाभाइरसकै कारणले ज्यान गुमाएका छन् ।

इजिप्टको सेनाद्वारा ८९ अतिवादी मारिए

इजिप्टको सेनाले पछिल्लो समयमा थप ८९ अतिवादीहरू मारिएको दाबी गरेको छ । अति खतरा मानिएका अतिवादीहरू देशको उत्तरपूर्वी क्षेत्रमा पर्ने उत्तर सिनाइमा मारिएको सेनाले आइतबार जानकारी दिएको छ । सुरक्षाकर्मीहरूले घटनास्थलबाट अतिवादी लडाकूहरूले प्रयोग गरेका विस्फोटक पदार्थ, सवारी साधन, हातहतियारलगायत बरामद गरेको पनि सेनाले जनाएको छ । अतिवादीहरूका गतिविधि न्यूनीकरण गराउने अभियानअन्तर्गत सुरक्षा कारबाही गर्दा उनीहरूको...