इन्डोनेसियामा बाढीले बगाएर १६ को मृत्यु, २३ बेपत्ता

बाढीमा परी अन्य २३ जना बेपत्ता भएका सिन्ह्वा समाचार समितिले जानकारी दिएको छ । बेपत्ता व्यक्तिको उद्धार कार्य जारी रहेको सरकारी अधिकारीहरुले जानकारी दिएका छन् ।

भारतको आसाममा बाढीमा ५० जनाको मृत्यु, २० लाख प्रभावित

भारतको आसाम राज्यमा बाढीबाट कम्तीमा ५० जनाको मृत्यु भएको छ । बीस लाख व्यक्ति बाढीबाट प्रभावित भएको भारतीय सञ्चारमाध्यमहरूले जनाएका छन् । बीबीसीका अनुसार भारी वर्षाले हजारौँ घर डुबानमा परेका छन् । विस्थापितहरूका लागि सयौँ राहत शिविर बनाइएका छन् ।

कोरोनाभाइरसका कारण विश्वभरि पाँच लाख ८१ हजारको मृत्यु

विश्वभरि महामारीका रुपमा फैलिएको कोरोनाभाइरसका कारण बुधबारसम्ममा मृत्यु भएकाहरूको सङ्ख्या पाँच लाख ८१ हजारभन्दा बढी पुगेको छ । त्यसैगरी कुल सङ्क्रमितको सङ्ख्या पनि दिन प्रतिदिन बढेर एक करोड ३४ लाख ७१ हजार ८६२ पुगेको छ । विश्व स्वास्थ्य सङ्गठनका अनुसार कुल सङ्क्रमितमध्ये ७८ लाख ६६ हजार २६५ जना भने सङ्क्रमणमुक्त भइसकेका छन् ।

मोडर्नाको कोविड–१९ को खोप परीक्षण अन्तिम चरणमा

संयुक्तराज्य अमेरिकाको बायोटेक कम्पनी मोडर्नाले मानिसमा कोविड–१९ को खोप (भ्याक्सिन)परीक्षण यसै महिना अन्तिम चरणमा प्रवेश गर्ने जनाएको छ । आगामी जुलाई २७ मा खोप परीक्षण अन्तिम चरणमा प्रवेश गर्ने कम्पनीले बताएको छ ।

भारतमा एकै दिन २९ हजार बढी सङ्क्रमित

भारतमा अहिले पनि सङ्क्रमित अवस्थामै रहेकाहरुको संख्या तीन लाख १९ हजार ८४० रहेको छ भने पाँच लाख ९२ हजार ३२ जना सङ्क्रमणमुक्त भइसकेका छन् ।