कोरोना भाइरसबाट विश्वमा पाँच लाख १९ हजारभन्दा बढीको मृत्यु

कोरोना भाइरस (कोभिड १९) बाट विश्वभर मृत्यु हुने व्यक्तिको सङ्ख्या पाँच लाख १९ हजार २७२ पुगेको छ । साथै यस सङ्क्रमणबाट विश्वभर एक करोड आठ लाख १९ हजार ७६२ जना सङ्क्रमित भएका विश्व स्वास्थ्य सङ्गठन (डब्लुएचओ) ले जनाएकाे छ ।  कोरोना भाइरसका कारण बिरामी भएका ६० लाख ४० हजार ३३८ जना निको भएका छन् । हाल विश्वभरमा कोरोना भाइरस सङ्क्रमित करिब ४२ लाख ६० हजार १५२ व्यक्ति उपचाररत रहेका छन् । सङ्क्रमितहरूमा ५७ हजार ९४१ जनाको अवस्था...

मेक्सिकोमा बन्धुकधारीले २४ जनाको हत्या गरे

मध्य मेक्सिकोको एउटा लागूऔषध पीडितको पुनस्र्थापना केन्द्रमा बुधबार बन्धुकधारीको गोली प्रहारबाट कम्तीमा २४ जनाको मृत्यु भएको छ । स्थानीय सुरक्षास्रोतका अनुसार उक्त आक्रमणमा अरु सात जना घाइते भएका छन् ।

रुसी राष्ट्रपतिको कार्यकाल बढाउने पक्षमा भारी बहुमत

रुसी केन्द्रीय निर्वाचन आयोगले मतगणनाको अन्तिम नतिजा सार्वजनिक गर्दै संवैधानिक सुधारको पक्षमा ७७ दशमलव ९२ प्रतिशत मत प्राप्त भएको जनाएको छ । आयोगका अनुसार कुल मतदातामध्ये करिब ६५ प्रतिशतले मतदानमा भाग लिएका थिए ।

भारतमा कोरोना भाइरस सङक्रमितको सङ्ख्या छ लाख नाघ्यो

पछिल्लो २४ घण्टामा मात्रै १९ हजार १४८ जना कोरोनाभाइरसबाट सङक्रमित भएका अधिकारीहरुले जनाएका छन् । केन्द्रिय स्वास्थ्य तथा परिवार कल्याण मन्त्रालयले २ लाख २६ हजार ९४७ जना अझै पनि सङक्रमित अवस्थामै रहेको जनाएको छ ।

पहिरोमा परी कम्तीमा ५० जनाको मृत्यु, कैयाैँ बेपत्ता भएको आशङ्का

म्यानमारको काचिन राज्यमा बिहीबार बिहान आएको भीषण पहिरोमा परी कम्तीमा ५० व्यक्तिको मृत्यु भएको छ । म्यानमारको अग्नी सेवा विभागका अधिकारीहरूद्वारा जारी प्रेस विज्ञप्तिमा क्षतिको विवरण खुलाइएको छ ।