त्रिभुवन विश्वविद्यालय उच्च शिक्षाको पर्याय हो : प्रधानमन्त्री देउवा

प्रधानमन्त्री एवं त्रिभुवन विश्वविद्यालयका कुलपति शेरबहादुर देउवाले त्रिभुवन विश्वविद्यालय नेपालको उच्च शिक्षाको पर्याय नै भएको बताउनुभएको छ । विश्वविद्यालयको आर्थिक वर्ष २०७८/७९ को प्रस्तावित बजेट छलफल गरी पारित गर्न मंगलबार बसेको विश्वविद्यालय सभाको साधारण बैठकमा उहाँले विश्वविद्यालयले नेपालको उच्च शिक्षामा आफ्नो पृथक पहिचान र गरिमामय इतिहास कायम राखेको उल्लेख गर्नुभयो।

प्रधानन्यायाधीश जबराको स्वास्थ्य अबस्था स्थिर

प्रधानन्यायाधीश चोलेन्द्र शम्शेर जबराको स्वास्थ्य अवस्थास्थिर रहेको बलम्बुस्थित सशस्त्र प्रहरी बल अस्पतालले जनाएको छ । प्रधानन्यायाधीश जबराको स्वास्थ्य अवस्था स्थिर रहेको उपचारमा संलग्न डा. प्रविन नेपालले जानकारी दिनुभयो ।

एमाले उपाध्यक्षमा घनश्याम भुसाल पराजित, अष्टलक्ष्मीलाई लोकप्रिय मत

नेकपा (एमाले) को दसौँ राष्ट्रिय महाधिवेशनमा फराकिलो मतान्तरसहित अध्यक्षमा पुनः केपी शर्मा ओलीलाई निर्वाचित हुनुभएको छ । कूल खसेको दुई हजार ९६ मध्ये अध्यक्ष ओलीले एक हजार आठ सय ४० मत प्राप्त गर्नुभएको पार्टीको केन्द्रीय निर्वाचन आयोगले जनाएको छ । महाधिवेशनमा दुई हजार एक सय ५३ प्रतिनिधि रहेका थिए । मत परिणामबारे केहीबेरपछि आधिकारिक घोषणा हुने आयोगका सचिव बाबुराम दाहालले बताउनुभयो ।

राप्रपा अध्यक्षमा डा. लोहनीको समर्थन लिङ्देनलाई

राष्ट्रिय प्रजातन्त्र पार्टी (राप्रपा) अध्यक्ष डा. प्रकाशचन्द्र लोहनीले महाधिवेशनबाट पार्टीको नेतृत्व युवा पुस्तामा हस्तान्तरण हुनुपर्ने धारणा सार्वजनिक गर्नुभएको छ । डा. लोहनीले पार्टीका अध्यक्षद्वय कमल थापा र पशुपति शम्शेर जबरालाई अभिभावकीय भूमिका निर्वाह गर्न अनुरोध गर्दै राजेन्द्र लिङ्देनको पक्षमा उभिएको बताउनुभएको छ ।

मुलुकमा जनमुखी र वैज्ञानिक शिक्षाको खाँचो छ : उपराष्ट्रपति पुन

उपराष्ट्रपति नन्दबहादुर पुनले मुलुकमा जनमुखी र वैज्ञानिक शिक्षाको खाँचो रहेको बताउनुभएको छ । चन्द्रागिरि नगरपालिका–२ वाडभन्ज्याङस्थित चण्डिकादेवी माध्यमिक विद्यालयमा सोमबारदेखि सुरु भएको श्रीमद्भागवत सप्ताह महायज्ञको उद्घाटन गर्दै उहाँले मुलुकमा जनमुखी र वैज्ञानिक शिक्षा आवश्यक रहेकाले शैक्षिक प्रणालीमा सुधार गर्नुपर्ने बताउनुभयो । “शिक्षामा आएका दरार हटाउँदै, समान शिक्षाका लागि आन्दोलन जरुरी छ, शिक्षा...