विश्वमा नेपाली कला पुर्याउन हस्तकलाले महत्वपूर्ण भूमिका निर्वाह गरेको छ : प्रधानमन्त्री देउवा

प्रधानमन्त्री शेरबहादुर देउवाले प्राचीन कला, संस्कृति र सीप विश्वमा पुर्याउन हस्तकला उद्योगको भूमिका महत्वपूर्ण हुने बताउनुभएको छ । नेपाल हस्तकला महासङ्घको १८औँ हस्तकला व्यापार मेला तथा १६औँ हस्तकला प्रतियोगिता उद्घाटन समारोहलाई आज राजधानीमा सम्बोधन गर्नुहुँदै उहाँले आन्तरिक रोजगारी सिर्जनामासमेत यो उद्योगले सहयोग रहेको बताउनुभयो ।

श्रमिक ठगिनु हुँदैन भन्नेमा दृढ छु : मन्त्री श्रेष्ठ

श्रम, रोजगार तथा सामाजिक सुरक्षामन्त्री कृष्णकुमार श्रेष्ठले वैदेशिक रोजगारीलाई व्यवस्थित, पारदर्शी र मर्यादित बनाइने बताउनुभएको छ । वैदेशिक रोजगार बोर्डको सहयोगमा वैदेशिक रोजगार पत्रकार समाजले आज यहाँ आयोजना गरेको ‘वैदेशिक रोजगारको वर्तमान अवस्था र सुधारका प्रतिबद्धता’ विषयक अन्तरक्रियामा उहाँले वैदेशिक रोजगार क्षेत्रलाई बेथिती मुक्त बनाउने प्रतिबद्धता व्यक्त गर्नुभयो ।

मर्यादित ढङ्गले कांग्रेस अधिवेशन सम्पन्न गर्न आग्रह

नेपाली कांग्रेस काठमाडौंका सभापति सबुज कृष्ण बानियाँले मर्यादित ढङ्गले कांग्रेस अधिवेशन सम्पन्न गर्न आग्रह गर्नुभएको छ । नेपाली कांग्रेस काठमाडौं क्षेत्र नं ६ प्रदेश ‘क’ को प्रदेश अधिवेशन आज उद्घाटन गर्दै सभापति बानियाँले पार्टीभित्रको एकतालाई कायम राखेर मर्यादित ढङ्गले कांग्रेस अधिवेशन सम्पन्न गर्न आग्रह गर्नुभएको हो । “अधिवेशनले पार्टीभित्र विग्रह ल्याउने काम नहोस्, तिक्तता होइन, आपसी एकता निर्वाचनले कायम...

सर्वोच्चमा ४५ मुद्दामा फैसला

सर्वोच्च अदालतमा आज ४५ वटा मुद्दामा फैसला भएको छ । शुक्रबारका लागि प्रधानन्यायाधीश चालेन्द्र शम्शेर जबराले दश इजलासमा २२२ मुद्दाको पेशी तोक्नुभएको थियो । त्यसमध्ये ४५ मुद्दामा फैसला भएको छ भने १७१ मुद्दा ‘हेर्न नभ्याइने’ सूचीमा राखिएको सर्वोच्चले जनाएको छ ।

माओवादी अध्यक्ष प्रचण्डसँग अमेरिकी सहायक विदेशमन्त्री लुद्वारा भेट

दक्षिण तथा मध्य एशियाली मामिलासम्बन्धी अमेरिकी सहायक विदेशमन्त्री डोनाल्ड लु र नेकपा माओवादी अध्यक्ष पुष्पकमल दाहाल ‘प्रचण्ड’बीच भेटवार्ता भएको छ । सहायक विदेशमन्त्री लुले आफ्नो पहिलो नेपाल भ्रमणका क्रममा शुक्रबार अध्यक्ष प्रचण्डसँग शिष्टाचार भेट गर्नुभएको हो ।