चुरे जोगिए मात्रै मधेस जोगिन्छ : मन्त्री यादव

मेधस प्रदेशका भौतिक तथा पूर्वाधार विकासमन्त्री राम सरोज यादवले चुरे जोगिए मात्रै मधेस जोगिने बताउनुभएको छ । ३० औं विश्व पानी दिवसको अवरमा लहानमा आयोजित कार्यक्रमलाई सम्बोधन गर्दै मन्त्री यादवले यस्तो बताउनुभएको हो । केही वर्ष अगाडि हरियाली देखिने चुरे नाङ्गो भएको भन्दै उहाँले यसको संरक्षणमा जोड दिनुभयो । मधेसको जीवन चुरेमा निर्भर भएकोले चुरेको संरक्षण नभए मधेसमा खानेपानीको अभाव हुने मन्त्री यादवको भनाइ छ ।

महिला अधिकार रक्षा तथा महिला हिंसा अन्त्य गर्ने नेपालको प्रतिबद्धताको प्रशंसा

महिला तथा बालिकाहरूको अधिकारको रक्षा तथा उनीहरूविरुद्धका हिंसा अन्त्य गर्न नेपाल सरकारले व्यक्त गरेको प्रतिबद्धता तथा प्रतिबद्धतालाई कार्यान्वयन गर्ने तत्परताको एक अमेरिकी अभियन्ताले मुक्तकण्ठले प्रशंसा गर्नुभएको छ । तीन दशकदेखि विश्वका विभिन्न भागमा महिला जागृति, उनीहरूको सशक्तीकरणका लागि अनवरत लडिरहेकी अमेरिकी गैरसरकारी संस्था ‘एभ्री वुमन’की प्रमुख कार्यकारी अधिकृत एवं सह–संस्थापक लिसा शाननले महिलालाई...

उच्च अदालत दिपायलमा मुद्दाको भर्चुअल सुनुवाइ सुरु

उच्च अदालत दिपायलले नेपालमै पहिलो पटक उच्च प्रविधियुक्त क्यामेरासहित डिस्प्ले जडान गरेर मुद्दाको भर्चुअल सुनुवाइको सुरु भएको छ । सर्वोच्च अदालतका न्यायधीश कुमार रेग्मीले भर्चुअल सुनुवाइको उद्घाटन गर्नुभएको छ । भर्चुअल सुनुवाइ कार्यक्रमको उद्घाटन गर्नुहुँदै न्यायधीश रेग्मीले उच्च अदालत दिपायलले प्रविधिको प्रयोग गरेर गरेको मुद्दाको सुनुवाइ कार्यको देशका अन्य न्यायलयहरुले समेत अनुसरण गर्नुपर्ने बताउनुभयो...

जनयुद्धका घाइतेको स्वास्थ्योपचारको प्रबन्ध मिलाउन सरकारको ध्यानाकर्षण

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले जनयुद्धका घाइते तथा अपाङ्गता भएका व्यक्तिको उचित स्वास्थ्योपचारको प्रबन्ध मिलाउन सरकारको ध्यानाकर्षण गराउनुभएको छ । प्रधानमन्त्री निवास बालुवाटारमा आज प्रधानमन्त्री शेरबहादुर देउवासँग छलफल गरी उहाँले घाइते/अपाङ्ग योद्धाका समस्या समाधान गर्न सरकारको ध्यानाकर्षण गराउनुभएको हो ।

चुनावमा भाग लिन झापामा मङ्गोल नेसनलसहित ३६ दल दर्ता

जिल्ला निर्वाचन कार्यालय झापामा आसन्न स्थानीय तहको निर्वाचनमा भाग लिनका लागि मङ्गोल नेशनल अर्गनाइजेसनसहित ३६ वटा दल दर्ता भएका छन् । कार्यालयका सूचना अधिकारी प्रेम न्यौपानेका अनुसार छ वटा राष्ट्रिय दल र ३० अन्य गरी ३६ वटा दल कार्यालयमा आइतबारसम्ममा दर्ता भएका हुन् । विसं २०७४ को स्थानीय निर्वाचनमा ३२ वटा दल दर्ता भएर निर्वाचनमा सहभागी भएका थिए । यसपटक थप चार नयाँ दल थपिएको सूचना अधिकारी न्यौपानेले जानकारी दिनुभयो...