लुम्बिनी समाचारदाता
बुटवल,माघ १७ गते । रुपन्देहीको सैनामैना नगरपालिका रामापुरमा शुक्रबार सांझ तीन सवारी साधन ठोक्किदा दुई जनाको घटनास्थल मै मृत्यु भएको छ । दुर्घटनामा एक जना गम्भिर घाईते हुनु भएको छ ।
दुर्घटनामा परि सैनामैना ७ का सुदिप चौधरी र नविन चौधरीको मृत्यु भएको हो । दुर्घटनामा घाईते भएका सन्तराम चौधरीको प्रादेशिक अस्पताल बुटवलमा उपचार भईरहेको प्रदेश ट्राफिक प्रहरी कार्यलयले जनाएको छ ।
लु ४२ प ७०९६ नम्बरको मोटरसाइकल, लु ३५ प ५०१९ नम्बरको मोटरसाईकल र लु ३० प ९४७२ नम्बरको स्कुटी एकआपसमा ठोकिदा दुई जनाको घटनास्थलमै मृत्यु भएको ईलाका प्रहरी कार्यालय बुटवलका प्रहरी नायव उपरिक्षक भिमलाल भट्टराईले बताउनुभयो ।
२०८१ मंसिर १४ शुक्रवार
