चितवन समाचारदाता
चितवन, भदौ २६ गते । मुग्लिन नारायणगढ सडक खण्डको चारकिलोमा पहिरो खस्दा बाटो अवरुद्ध भएको छ ।
रातिदेखि परेको वर्षाका कारण विहान ८ बजे पहिरो खस्दा बाटो अवरुद्ध भएको जिल्ला प्रहरी कार्यालय चितवनका प्रवक्ता सूर्य थापाले जानकारी दिनुभयो ।
इच्छाकामना गाउँपालिका ६ चारकिलो डाडाबाट पहिरो खसेपछि अहिले दुवैतर्फ सडक अवरुद्ध भएको हो । प्रहरीका अनुसार पहिरो हटाएर राजमार्ग सञ्चालन गर्ने प्रयास भइराखेको जनाएको छ ।
