हिमपातका बेला पनि चामल लिनेको घुईचो

हिमपात भइरहेका बेला सिमकोटस्थित खाद्य व्यवस्था तथा ब्यापार कम्पनी लिमिटेडको गोदाममा खाद्यन्न लिनेको घुईचो लागेको छ । लिमिटेडको शाखाले पुर्बसूचना निकालेर खाद्यन्न बिक्री बिहानैबाट सुरु गरेपछि स्थानीय बासिन्दा हिमपात भइरहेकाबेलामा पनि लामबद्ध भएर खाद्यन्न खरिद गर्न लाइन लाग्नुभएको हो ।

कुहिरोको कारण करिब एक टन मह नोक्सानी

घाम नलाग्ने र कुहिरोका कारण कपिलवस्तुमा मह उत्पादन घट्ने भएको छ । लगातार चिसो भएपछि घारमा सञ्चित भएको मह माहुरीले खाएपछि कृषकहरु मर्कामा परेका छन् । नियमित घाम नलाग्दा र शीतलहरका कारण कुल उत्पादनको आधा भाग माहुरीको आहारामा खर्च हुनेभएको छ ।

जनकपुरमा सर्लाहीका प्रदेश सांसद र नगरप्रमुखको गाडी तोडफोड

राष्ट्रिय सभा सदस्य निर्वाचनमा मतदान गर्न मधेश प्रदेशको राजधानी जनकपुर पुग्नुभएका सर्लाहीका प्रदेश सभा सदस्य र नगरप्रमुखको सरकारी गाडीमा बुधबार तोडफोड भएको छ ।

जनकपुरधाममा जनमत कार्यकर्ता र प्रहरीबीच झडप

जनकपुरधाममा सिके राउत नेतृत्वको जनमत पार्टीका कार्यकर्ता र प्रहरीबीच झडप भएको छ । जनमत पार्टीका कार्यकर्ता जनकपुरधामस्थित राष्ट्रियसभा निर्वाचन स्थलमा प्रवेश गरेर मतदान प्रक्रिया अवरुद्ध गर्ने प्रयास गरेपछि प्रहरीसँग झडप भएको हो ।

हल्का वर्षाको सम्भावना

हाल देशमा पश्चिमी न्यूनचापीय प्रणालीको प्रभाव रहेको छ । उक्त मौसमी प्रणालीको प्रभावले हाल सुदूरपश्चिम प्रदेश र गण्डकी प्रदेशमा सामान्य बदली रही बाँकी प्रदेशमा आंशिक बदली रहेको छ । साथै सुदूरपश्चिम प्रदेशका एक– दुई स्थानमा हल्का वर्षा भएको मौसम पूर्वानुमान महाशाखाले जनाएको छ ।