व्यास नगरपालिकाको अत्यावश्यक बाहेक सबै सेवा बन्द

तनहुँको व्यास नगरपालिकाले कोरोनाको सङ्क्रमण फैलिएपछि मंगलबारबाट चार दिनको लागि अत्यावश्यकबाहेक सबै सेवा बन्द गरेको छ । नगर प्रमुख र उप–प्रमुखको कोरोना परीक्षण रिपोर्ट पोजेटिभ आएको र कार्यालयका अन्य कर्मचारी समेत सङ्क्रमित भएकाका अत्यावश्यक सेवाबाहेक सबै सेवा बन्द गरिएको नगरपालिकाका प्रमुख प्रशासकीय अधिकृत डिल्लीराम सिग्देलले जानकारी दिनुभयो ।

बसको ठक्करबाट पैदल यात्रीको मृत्यु

धनुषाको गणेशमान चारनाथ नगरपालिका–६ स्थित पूर्वपश्चिम लोकमार्ग बसले ठक्कर दिँदा एक जना पैदलयात्रीको मृत्यु भएको छ । सोमबार राति १० बजे काठमाडौंबाट ताप्लेजुङ्गतर्फ गइरहेको ना७ख ७४४३ नम्बरको बसले पैदल हिँडिरहका गणेशमान चारनाथ नगरपालिका ६ गोदार बस्ने ६५ वर्षीय राजेन्द्रप्रसाद जैसवाललाई ठक्कर दिँदा मृत्यु भएको इलाका प्रहरी कार्यालय ढल्केवरका प्रहरी निरीक्षक प्रदिप सुवेदीले बताउनुभयो । बसको ठक्करबाट गम्भीर घाइते...

बँदेलको आक्रमणमा परी एक जनाको मृत्यु, तीन घाइते

बैतडीमा जङ्गली बँदेलले आक्रमण गर्दा एक जनाको मृत्यु भएको छ भने तीन जना घाइते भएका छन् । घाइतेमध्ये एक जनाको अवस्था गम्भीर रहेको छ । सोमबार साँझ गाउँमै पसेर बँदेलले आक्रमण गर्दा बैतडीको दोगडाकेदार गाउँपालिका–१, घोरडी गाउँको पिपला टोलका ६५ वर्षीय मनोरथ जोशी (मन्नाम) को मृत्यु भएको छ । जोशीको उपचारका क्रममा डडेल्धुरा अस्पतालमा मृत्यु भएको प्रहरीले जानकारी दिएको छ ।

जिप्रका चौताराका सेवा बन्द

जिल्ला प्रशासन कार्यालय चौताराका चार जना कर्मचारी कोरोनाभाइरसको नयाँ भेरियन्ट ओमिक्रोन सङ्क्रमण भएपछि आउँदो आइतबारसम्म सेवा बन्द गरिएको छ । नयाँ नागरिकता वितरण, प्रतिलिपि नागरिकता वितरण, प्रमुख जिल्ला अधिकारीले हस्तक्षर गर्नुपर्ने पेन्सन पटा नामसारी, जन्म मिति, नाम थर सच्याउन खडा गर्नुपर्ने पर्चा, आदेश, सिफारिसका सेवाहरु बन्द गरिएको प्रशासकिय अधिकृत नारायण लघुले जानकारी दिनुभएको छ ।

सूर्यविनायक नगर अस्पताल निर्माण सम्पन्न, एक महिनाभित्र सञ्चालनमा आउने

कोरोना भाइरस सङ्क्रमणको तेस्रो लहर आएसँगै सूर्यविनायक नगरपालिकाले आफ्ना नगरवासीका साथै अन्य नागरिकको उपचार गर्न २५ शय्याको सूर्यविनायक नगर अस्पताल सञ्चालनमा ल्याउने भएको छ । अक्सिजन प्लान्टसहित सञ्चालन गर्ने अस्पतालका लागि पाँचवटा भवनलगायतका आवश्यक पूर्वाधार निर्माण सम्पन्न भएकाले नगरपालिका अब अ स्पताल सञ्चालनको तयारीमा लागेको सूर्यविनायक नगरपालिकाका प्रमुख वासुदेव थापाले जानकारी दिनुभयो । अरनिको राजमार्गसँगै...