शहीद सप्ताह सुरु : पहिलो दिन शास्त्रीको सम्झाना

पारिवारिक रुपमा प्रयोग हुँदै आएको शासकीय शक्ति जनताका हातमा पुर्‍याउने चार शहीदको सम्झनामा आजबाट शहीद सप्ताह सुरु भएको छ । सप्ताहको पहिलो दिन आज शुक्रराज शास्त्रीको शालिकमा पुष्पगुच्छा अर्पण गरिएको छ । काठमाडौंको टेकु पचलीस्थित सहिद शास्त्रीलाई प्राणदण्ड दिइएको स्थानमा पुगेर कामपाका प्रमुख विद्यासुन्दर शाक्य, उपमेयर हरिप्रभा खड्गी श्रेष्ठसहित पदाधिकारीले पुष्पगुच्छा अर्पण गर्नुभएको हो ।

करेन्ट लागेर वृद्धको मृत्यु

तनहुँमा करेन्ट लागेर एक वृद्धको मृत्यु भएको छ । ऋषिङ गाउँपालिका–८ अजम्बरी सल्लाघारी जङगलमा स्थानीय अन्दाजी ७२ वर्षको दलबहादुर रानाको सोमबार विहान साढे ८ बजे मृत्यु भएको प्रहरीले जनाएको छ । दाउरा खोज्न जाने क्रममा बिजुलीको लाईनमा छुन गई करेन्ट लागि रानाको घटना स्थलमा नै मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकारी दिनुभयो ।

हिमपातका कारण सीता एयरका दुई जहाज सिमकोट विमानस्थलमै रोकिए

हुम्लामा आइतबार दिउँसोबाट हिमपात सुरु भएपछि सीता एयरका दुई वटा जहाज सिमकोट विमानस्थलमै रोकिएका छन् । खाद्यन्न ढुवानी गरि रहेका दुई जहाज हिमपात र बाक्लो कुहिरोका कारण सिमकोट विमानस्थलमै रोकिएका हुन् । सुर्खेतबाट खाद्यन्न ढुवानी गरेर सिमकोट विमानस्थलमा अवतरण गरेलगत्तै हिमपात सुरु भएपछि सीता एयरका दुई वटा जहाज विमानस्थलमै रोकिएको नागरिक उड्डयान प्राधिकरण सिमकोट शाखाले जनाएको छ ।

कोरोनाको तेस्रो लहर : फेरि सुस्तायो पर्यटकीय क्षेत्र

कोरोनाको दोस्रो लहरपछि तङ्ग्रिदै गरेको पर्यटकीय क्षेत्र फेरि सुस्ताएको छ । कोरोनाको तेस्रो लहर व्यापारुपमा फैलिएपछि जिल्लाका पर्यटकीय क्षेत्रमा चहलपहल कम हुँदै गएको हो । कोरोनाको तेस्रो लहर र मौसमी रुखाखोकी एकै पटक सुरु भएपछि पर्यटकीय क्षेत्रमा आउने जाने आन्तरिक पर्यटकको सङ्ख्यामा कमी हुँदै गएको पर्यटकीय क्षेत्र पञ्चकोटका कार्यालय संयोजक रामबहादुर केसीले बताउनुभयो ।

जलवायु परिवर्तनका असरबारे ध्यानाकर्षण गराउन कालापत्थरमा पदयात्रा हुने

जलवायु परिवर्तनले पारेको असरबारे विश्वको ध्यानाकर्षण गराउन सगरमाथा आधार शिविरमा विभिन्न क्षेत्रका नेतृत्वदायी भूमिका खेलेका महिलाहरुले पदयात्रा ट्रेकिङ) गर्ने भएका छन् । आगामी मार्च ८ तारिख अन्तर्राष्ट्रिय महिला दिवसका अवसरमा ‘वुमन युनाइटेड फर क्लाइमेट जस्टिस’ भन्ने नारासाथ विभिन्न विधाका प्रतिष्ठित २७ महिलाले काठमाडौंदेखि कालापत्थरसम्म झण्डै १२ दिनको पदयात्रा गर्न लागेका हुन । ‘साथसाथै’ नामक संस्थाको...