‘सप्ताहव्यापी निःशुल्क मास्क वितरण’ अभियान

महानगरीय प्रहरी वृत्त थानकोट र थानकोट जेसिजको संयुक्त आयोजनामा ‘सप्ताहव्यापी निःशुल्क मास्क वितरण तथा जनचेतनामूलक कार्यक्रम’ शुभारम्भ गरिएको छ ।थानकोट प्रहरीले ‘समुदाय–प्रहरी साझेदारी कार्यक्रम’अन्तर्गत कोरोना सङ्क्रमण न्यूनीकरणका लागि थानकोट जेसिजका सहकार्यमा शनिबारदेखि सो अभियान सुरुभएको हो ।

अस्पताल बनाउन श्रेष्ठ दम्पतीबाट ४० लाख बराबरको जग्गा दान

तनहुँका एक समाजसेवी दम्पती गाउँमै अस्पताल बनाउन ४० लाख मूल्य पर्ने जग्गा दान गर्नुभएको छ । भिमाद नगरपालिका–८ को भानुमतिका गोपाल श्रेष्ठ र उहाँको श्रीमती जुनकुमारी श्रेष्ठले जग्गा दान दिनुभएको हो । उहाँहरुले ५ रोपनी ८ आना जमिन दान गर्नुभयो ।

लुम्बिनीमा नमुना सभाहल र ध्यान केन्द्र

बुद्ध जन्मस्थल लुम्बिनीमा सभा सम्मेलन र ध्यान गर्न अब समस्या नहुने भएको छ । पाँच हजार मानिस अट्न सक्ने सभाहल र ध्यान केन्द्र निर्माणको काम अन्तिम चरणमा पुगेको छ । लुम्बिनी विकास कोषले आगामी जेठ २ गते बुद्ध जयन्तीका दिन उक्त सभाहल र ध्यान केन्द्रको उद्घाटन गर्ने गरी काम अगाडि बढाएको छ ।

पद्मसम्भवको तपोभूमिमा गुम्बा

गुरु पद्मसम्भवले ध्यान गर्नुभएको ऐतिहासिक तपोभूमि काभ्रे जिल्ला तेमाल गाउँपालिका वडा नम्बर–८ टेकानपुरमा धार्मिक पर्यटन प्रवद्र्धनका उद्देश्यले ‘उग्येन पेज्युङ डुब्देलिङ’ गुम्बा निर्माण भएको छ । करिब दुई हजार एक सय मिटर उचाइमा रहेको तेमाल क्षेत्र पर्यटकका लागि निकै आकर्षक गन्तव्यका रूपमा स्थापित छ ।

उपत्यकाका सबै सङ्ग्रहालय बन्द

जिल्ला प्रशासन कार्यालय काठमाडौँ, भक्तपुर र ललितपुरका तीनै प्रमुख जिल्ला अधिकारीको संयुक्त बैठकले काठमाडौँ उपत्यकामा सञ्चालनमा रहेका सबै सङ्ग्रहालय बन्द गर्ने निर्णय गरेको छ । हनुमानढोका दरबार सङ्ग्रहालय, नारायणहिटी, पाटन, ललितपुरको सङ्ग्रहालय अर्को सूचना नआउन्जेलका लागि शनिबारबाट बन्द गरिएका छन् ।