देशको राजनीति लिक बाहिर गयो : राजेन्द्र लिङ्देन

राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङ्देनले देशको राजनीति आम जनताको दृष्टिले हेर्दा लिक बाहिर गएको बताउनुभएको छ । शुक्रबार नेपाली काँग्रेसको १४ औँ महाधिवेशन समारोहमा शुभकामना मन्तव्य दिनेक्रममा उहाँले यस्तो बतउनुभएको हो । अध्यक्ष लिङ्देनले संसद संसदजस्तो नभएको र अदालत अदालतजस्तो नभएको उल्लेख गर्नुभयो ।

कांग्रेस महाधिवेशनको उद्घाटन समारोहमा एमाले अध्यक्ष ओली उपस्थित

नेपाली काँग्रेसको १४ औँ महाधिवेशनमा नेकपा (एमाले) अध्यक्ष केपी ओली उपस्थित हुनुभएको छ । शुक्रबार काठमाडौँको भृकुटीमण्डपमा जारी उद्घाटन समारोहमा केही ढिला गरी अध्यक्ष ओली उपस्थित हुनु भएको हो । स्वास्थ्यमा समस्या भएको भन्दै केही दिनयता घरमै आराम गरेर बस्नुभएका प्रमुख प्रतिपक्षी दलका नेता एमाले अध्यक्ष ओली काँग्रेसको महाधिवेशन उद्घाटन समारोहमा पुग्नुभएको हो ।

काँग्रेस सभापति देउवाले गर्नुभयो महाधिवेशनको उद्घाटन

नेपाली काँग्रेसका सभापति एवं प्रधानमन्त्री शेरबहादुर देउवाले १४ औँ महाधिवेशनको उद्घाटन गर्नुभएको छ । शुक्रबार दिउँसो काठमाडौंको भृकुटीमण्डपमा प्रधानमन्त्री देउवाले नेपाली कांग्रेसका संस्थापक नेता बीपी कोइरालाको तस्बिरमा माला लगाएर काँग्रेस महाधिवेशनको उद्घाटन गर्नुभएको हो ।

महाधिवेशन स्थलमा प्रधानमन्त्रीसहित शीर्ष नेताको उपस्थिति

नेपाली काँग्रेसको १४औँ महाधिवेशनको उद्घाटनन समारोहमा पार्टी सभापति एवम् प्रधानमन्त्री शेरबहादुर देउवासँगै शीर्ष नेता पुग्नुभएको छ । शुक्रबार दिउँसो १ बजे उद्घाटन हुने भनिएको कार्यक्रम केही ढिला भए पनि कांग्रेस र अन्य दलका शीर्ष नेता उपस्थित हुने क्रम जारी रहेको छ ।

काँग्रेस महाधिवेशन उद्घाटन (फोटो फिचर)

नेपाली काँग्रेसको १४औँ महाधिवेशनको उद्घाटनको तयारी अन्तिम चरणमा पुगेको छ । उद्घाटन दिउँसो १ बजे भृकुटीमण्डपमा हुने भनिएको भए पनि केही ढिलाे भएको छ । मुख्य मञ्च भृकुटीमण्डपको प्राङ्गणमा १५० जनाभन्दा बढी क्षमताको मञ्च तयार गरिएको छ।