राष्ट्रपतिबाट मङ्सिर २८ गतेका लागि संसद् अधिवेशन आह्वान

राष्ट्रपति विद्यादेवी भण्डारीले मङ्सिर २८ गतेका लागि संघीय संसदको दुवै सदनको अधिवेशन आह्वान गर्नुभएको छ । संविधानको धारा ९३ को उपधारा (१) बमोजिम नेपाल सरकार तथा मन्त्रिपरिषद्को सिफारिसमा राष्ट्रपति भण्डारीले संघीय संसदको अधिवेशन आह्वान गर्नुभएको हो ।

काँग्रेस १४ औँ महाधिवेशनको स्वास्थ्य समितिले पायो पूर्णता

सत्तारुढ दल नेपाली काँग्रेसको १४ औँ केन्द्रीय महाधिवेशन स्वास्थ्य समितिले पूर्णता पाएको छ । काँग्रेस केन्द्रीय सदस्य मोहनबहादुर बस्नेतको संयोजकत्वमा गठित स्वास्थ्य समितिमा केन्द्रीय सदस्यहरु देवेन्द्रराज कँडेल, मंगलप्रसाद थारु, विष्णुविक्रम थापा र डा. टि.एन. योगी रहनुभएको छ ।

राजधानीमा राप्रपा महाधिवेशन, के भन्छन् प्रतिनिधि ?

राष्ट्रिय प्रजातन्त्र पार्टी (राप्रपा)को महाधिवेशन बुधबारदेखि काठमाडौंको भृकुटीमण्डपमा जारी छ । महाधिवेशनमा देशभरका करिब चार हजार ६ सय प्रतिनिधि सहभागी रहेको राप्रपा महाधिवेशन निर्वाचन समितिले जनाएको छ । महाधिवेशनबाट आगामी दिनमा पार्टीलाई वैकल्पिक शक्तिको रुपमा स्थापित गर्ने उद्देश्य अनुरुप पार्टीलाई एकताबद्ध गर्नसक्ने नेतृत्व चयन हुनुपर्नेमा राप्रपाका नेता तथा कार्यकर्ताले बताएका छन् ।

चुनाव केन्द्रित हुन प्रधानमन्त्री देउवाको निर्देशन

प्रधानमन्त्री एवम् नेपाली काँग्रेस सभापति शेरबहादुर देउवाले आगामी चुनावमा केन्द्रित हुन पार्टीका नेता तथा कार्यकर्तालाई निर्देशन दिनुभएको छ । बिहीबार काँग्रेस प्रदेश अधिवेशनको भर्चुअल उद्घाटन गर्नुहुदै उहाँले महाधिवेशन लगत्तै चुनावमा केन्द्रित हुनुपर्नेमा जोड दिनुभएको हो ।

छ वटा अध्यादेश जारी

राष्ट्रपति विद्यादेवी भण्डारीले बुधबार छ वटा अध्यादेश जारी गर्नुभएको छ। नेपालको संविधानको धारा ११४ को उपधारा (१) बमोजिम मन्त्रिपरिषद्ले सिफारिस गरेका छ अध्यादेश जारी गरेको राष्ट्रपति कार्यालयले जनाएको छ ।