चार दललाई राष्ट्रिय दलको मान्यता दिनु गलत : पासवान

बहुजन शक्ति पार्टीका अध्यक्ष विश्वेन्द्र पासवानले चार वटा पार्टीलाई राष्ट्रिय दलको मान्यता दिनु गलत रहेको बताउनुभयो। शुक्रबार निर्वाचन आयोगमा आयोगका पदाधिकारी र १७ राजनीतिक दलका प्रतिनिधिबीच भएको छलफलबाट बाहिरिने क्रममा पत्रकारसँग कुरा गर्नुहुँदै उहाँले सबै दलले राष्ट्रिय दलको मान्यता पाउनुपर्ने बताउनुभयो।

‘सरकारले अभिव्यक्ति स्वतन्त्रता सङूकुचन हुने कानुन ल्याउँदैन’

सञ्चार तथा सूचना प्रविधिमन्त्री ज्ञानेन्द्रबहादुर कार्कीले वर्तमान सरकारले अभिव्यक्ति स्वतन्त्रतालाई उच्च प्राथमिकतामा राखेको बताउनुभएको छ। यही फागुन २६ गते बसेको मन्त्रिपरिषद्को बैठकका निर्णय सार्वजनिक गर्न शुक्रबार मन्त्रालयमा आयोजित पत्रकार सम्मेलनमा सरकारका प्रवक्तासमेत रहनुभएका मन्त्री कार्कीले यस्तो बताउनुभएको हो।

प्रधानन्यायाधीश विरुद्धको महाभियोगमाथि आइतबार छलफल हुने

प्रतिनिधिसभा बैठकमा प्रधानन्यायाधीश चोलेन्द्र शम्शेर जबराविरुद्धको महाभियोगमाथि छलफल हुने भएको छ। आइतबारका लागि बोलाइएको प्रतिनिधिसभाको बैठकमा सभामुख अग्निप्रसाद सापकोटाले महाभियोगमाथि छलफल हुने दिन र समय तोक्ने हुनुभएको छ। आइतबारको बैठकको सम्भावित दैनिक कार्यसूचीमा पनि महाभियोग प्रस्तावमाथि छलफल हुने दिन र समय निर्धारण गर्ने उल्लेख छ।

जसपा सप्तरीमा समानान्तर समिति गठन

जनता समाजवादी पार्टी (जसपा) नेपाल सप्तरीले जिल्ला समानान्तर समवन्य समिति गठन गरेको छ । जिवछ यादवको अध्यक्षतामा १५१ सदस्यीय जिल्ला समवन्य समिति गठन गरेको हो ।

सप्तरी काँग्रेसमा रामदेव साह विजयी

नेपाली काँग्रेस सप्तरीको सभापतिमा रामदेव साह निर्वाचित हुनुभएको छ । निकटतम प्रतिद्वन्दी देउवा पक्षका शत्रुधनप्रसाद यादवलाई १०९ मतान्तरले पराजित गर्दै साह विजयी हुनुभएको हो । नेतृत्व चयनको लागि मंगलबार सम्पन्न निर्वाचनको मतगणना अनुसार साहले एक हजार १८६ मत प्राप्त गर्नुभएको छ भने यादवले एक हजार ७७ मत प्राप्त गर्नुभएको छ ।