पूर्व गोर्खा सैनिकआमरण अनशनमा

आफूहरुविरुद्ध असमान व्यवहार गरेको भन्दै भूतपूर्व गोर्खा सैनिकहरु शनिबारदेखि लण्डनस्थित बेलायती प्रधानमन्त्री कार्यालय अगाडि आमरण अनशन बसेका छन । आफुहरुविरुद्ध भेदभाव गरिएको भन्दै यसअघि साउन ६ गतेदेखि १७ दिनसम्म उनीहरु रिले अनशनमा बसेका थिए ।

माधवप्रसाद घिमिरेको जन्मजयन्तीको अवसर पारेर कविता महोत्सव गरिदै

अन्तराष्ट्रिय नेपाली साहित्य समाज (अनेसास) ले हरेक वर्ष अनेसास कविता महोत्सव’ आयोजना गर्ने भएको छ । संस्थाका केन्द्रीय अध्यक्ष प्रकाश पौडेल ’माइला’ को अध्यक्षतामा हालै सम्पन्न बैठकले वार्षिक रूपमा कविता महोत्सव गर्ने निर्णय गरेको हो । हरेक वर्ष राष्ट्रकवि माधवप्रसाद घिमिरेको जन्म जयन्तीको अवसर पारेर महोत्सव अयोजना गर्ने निर्णय भएको अध्यक्ष पौडेलले गोरखापत्रलाई जानकारी दिनुभयो ।

भूपू गोर्खाकी छोरी बेलायतको टोटनम फुटबल क्लबमा आबद्ध

भूपू गोर्खा सैनिककी छोरी अस्मिता आले बेलायतको सुपरिचित क्लब टोटेनह्याम फुटबल क्लबबाट खेल्दै हुनुहुन्छ । उहाँले सन् २०२३ सम्मका लागि क्लबमा आबद्ध रहने गरी हालै सम्झौता गर्नुभएको छ । यसअघि एस्टोन भिल्लामा सन् २०२१ र २०२२ का लागि अनुबन्धित हुनुहुन्थ्यो । वुमन सुपर लिगमा भिल्लाबाट सहभागी हुनुभएकी १९ वर्षीया आले उक्त क्लबबाट १८ वटा खेलमा सहभागी हुनुभएको थियो । आले १९ वर्षमुनिका सहभागी हुने ‘युरोपियन च्याम्पियन फाइनलस्’...

एनआरएनए युकेका अध्यक्षमा गाहामगर   

गैरआवसीय नेपाली सङ्घ बेलायतका अध्यक्षमा प्रेम गाहामगर विजयी हुनुभएको छ । पहिलो पटक अनलाइन मतदानमार्फत निर्वाचन सम्पन्न भएको थियो । झण्डै साढे ११ हजारले गरेको मतदानबाट अध्यक्ष गाहामगरले चार हजार पाँच सय ७४ मत प्राप्त गर्नुभएको थियो । दुई उपाध्यक्षमा सुनिलबाबु खड्काले चार हजार एक सय ६९ र गोविन्द खरेलले तीन हजार ६ सय ६५ मत प्राप्त गर्नुभएको निर्वाचन समितिले जनाएको छ ।  यस्तै महिला उपाध्यक्षमा सकुन्तला गुरुङ, महासचिवमा...

एनआरएनए युकेको अध्यक्षमा प्रेम गाहामगर निर्वाचित

गैरआवासीय नेपाली सङ्घ (एनआरएनए) युकेको अध्यक्षमा प्रेम गाहामगर निर्वाचित हुनु भएको छ । शुक्रबार अबेर राति भएको मतपरिणाम अनुसार गाहामगर चार हजार ५७४ मत पाएर निर्वाचित हुनु भएको निर्वाचन समितिले जनाएको छ । अध्यक्षका अर्का प्रत्यासी दीपक श्रेष्ठले दुई हजार १९१ र रोजिना प्रधान राईले २ हजार १४८ मत प्राप्त गर्नु भएको छ । निर्वाचन साउन १८ गते अनलाईन मतदानमार्फत सम्पन्न भएको थियो ।