विदेशी श्रद्धालुलाई हज यात्रामा प्रतिबन्ध

सउदी अरबमा रहेका सीमित श्रद्धालुलाई मात्रै हजका लागि मक्का पुग्न दिइनेछन् । हज पूर्णरुपमा नै रद्द हुन सक्ने आँकलनबीच सउदी सरकारले यस प्रकारको निर्णय गरेको हो । वार्षिक धार्मिक उत्सवमा सहभागी हुन करिब २० लाखभन्दा बढी श्रद्धालु पवित्र शहर मक्का र मदिना पुग्ने अनुमान गरिएको थियो ।

नेपाल–चीन सीमाको १ नम्बर पिलरसम्म सशस्त्रको गस्ती

व्यास गाउँपालिका–१ छाङ्गरुमा रहेको सशस्त्र प्रहरीको बोर्डर आउट पोष्टमा खटिएका सशस्त्र प्रहरीले नेपाल–चीन सीमाको १ नम्बर पिलरसम्म गस्ती गरेको छ । गत वैशाख ३१ गते व्यासको छाङ्गरुमा खटिएको सशस्त्र प्रहरी एक महिनापछि नेपाल–चीन सीमा स्तम्भमा पुगेको हो ।

सांसद सरिता गिरीलाई पार्टीले साेध्यो स्पष्टीकरण

सरकारले ल्याएको संविधान संशोधनको विरोधमा उभिनुभएका समाजवादी पार्टीका सांसद सरिता गिरीलाई पार्टीले स्पष्टीकरण सोधेको छ । नयाँ नक्साका आधारमा निशान छाप परिमार्जन गर्नका लागि सरकारले संविधान संशोधनका लागि सरकारले दर्ता गराएको विधेयकको विरोधमा उभिनुभएका सांसद गिरीलाई सात दिनभित्र आफ्नो स्पष्टीकरण दिन पार्टीले निर्देशन दिएको पार्टीका महासचिव रामसहाय यादवले बताउनुभयो ।

भारतबाट आउनेको सङ्ख्या न्यून हुँदैः सोमबार ४१६ नेपाली भित्रिए, ३३१ भारतीय बाहिरिए

सुदूरपश्चिमका मुख्य दुई नाका गड्डाचौकी र गौरीफन्टाबाट सोमबार ४१६ नेपाली नागरिक नेपाल भित्रिएका छन् भने ३३१ भारतीय नागरिक बाहिरिएका छन् । आइतबारको तुलनामा सोमबार नेपाल भित्रिनेको सङ्ख्या घटे पनि भारत जानेको सङ्ख्या भने बढेको छ । रोजगारीका लागि भारत र नेपालका विभिन्न शहर रहेका नेपाली र भारतीय नागरिक जेठ २ गतेयता दैनिक आफ्नो देश जाने आउने क्रम जारी रहेको छ । जेठको मध्यतिर दैनिक आठ हजार हाराहारीमा नेपाली नेपाल भित्रिए...

एकैदिन एक लाख ८३ हजार नयाँ सङ्क्रमित थपिए

विश्व स्वास्थ्य सङ्गठनका अनुसार आइतबार पछिल्लो २४ घण्टामा एक लाख ८३ हजार नयाँ सङ्क्रमित थपिएका छन् । उक्त संख्या चौबिस घण्टाभित्र नयाँ सङ्क्रमित पुष्टि भएको अहिलेसम्मकै सबैभन्दा उच्च हो ।संयुक्त राष्ट्र संघको स्वास्थ्य सम्बन्धी निकायले ब्राजिलमा सबैभन्दा बढी सङ्क्रमित फेला परेको जनाएको छ । ब्राजिलमा आइतबार चौबिस घण्टाभित्र ५४ हजार ७७१ नयाँ बिरामी पुष्टि भएका छन् । संयुक्त राज्य अमेरिकामा ३६ हजार ६१७ र भारतमा...