लिभरपुल र चेल्सी एफए कपको क्वार्टरफाइनलमा

लिभरपुल र चेल्सी एफए कप फुटबलको क्वार्टरफाइनलमा प्रवेश गरेको छ । बुधबार राति भएको खेलमा लिभरपुलले नर्विच सिटीलाई २–१ गोलले हरायो । अर्को खेलमा चेल्सीले च्याम्पियनसिप क्लब लुटोन टाउनलाई ३–२ गोलले स्तब्ध बनायो ।

केभीएस सेमिफाइनलमा

केभीएस छैटौँ अर्किड कप सेभेन ए साइड अन्तरविद्यालय नकआउट छात्र फुटबल प्रतियोगितामा सेमिफाइनलमा प्रवेश गरेको छ । बुधबार भएको खेलमा केभीएसले कौस्तुभलाई २–० गोलले पराजित हरायो ।

सरस्वती र श्रीभगवतीको सुखद सुरुवात

सरस्वती क्लब र श्रीभगवती क्लबले शहिद स्मारक ‘बी’ डिभिजन लिगमा सुखद सुरुवात गरेका छन् । एन्फा कम्प्लेक्स मैदान सातदोवाटोमा बुधबारदेखि सुरु भएको लिगमा सरस्वतीले बाँसबारी क्लबलाई ३–१ गोलले हरायो । अर्को खेलमा श्रीभगवतीले झम्सिखेल युथ क्लबलाई ३–१ गोलले नै स्तब्ध बनायो ।

सिटी एफए कपको क्वार्टरफाइनलमा

म्यानचेस्टर सिटी एफए कप फुटबलको क्वार्टरफाइनलमा प्रवेश गरेको छ । मङ्गलबार राति भएको खेलमा सिटीले च्याम्पियनसिप टोली पिटरर्सब्रग युनाइटेडलाई २–० गोलले हरायो । दुवै गोल दोस्रो हाफमा सम्भव भएको खेलमा सिटीलाई जिताउन रियाद महारेज र ज्याक ग्रेलिसले गोल गर्नुभयो ।

बाँसबारी क्लबलाई अराउन्ड द हिमालयजको साथ

शहिद स्मारक ‘बी’ डिभिजन क्लब बाँसबारी क्लबलाई मुख्य प्रायोजकको रुपमा अराउन्ड द हिमालयजको साथ रहेको छ । बाँसबारीले हिमलयजसँग मंगलबार एक वर्षको लागि प्रायोजन सम्झौता गरेको हो ।