उपत्यकाका ४० र देशभर १८ प्रतिशतले पूर्ण खोप लगाए   

कोरोना भाइरसविरुद्धको खोप उपत्यकामा अधिकांशले लगाइसकेका छन् । यो खोप उपत्यकामा पहिलो मात्रा ४४.३३ प्रतिशत र पूर्ण मात्राको खोप ४० प्रतिशतले लगाएका छन् ।          काठमाडाैँ उपत्यकामा १५ लाख ५५ हजार आठ सय ९५ जनाले पहिलो मात्रा र ११ लाख ७१ हजार चार सय २० पूर्ण मात्राको खोप लगाइसकेका छन् । मुलुकभरि पहिलो मात्रा १९.९ र पूर्ण मात्रा १८ प्रतिशतले खोप लगाइसकेका छन् ।         

एक हजार ८६ जना सङ्क्रमित थपिए, १० जनाको मृत्यु

पछिल्लो २४ घण्टामा नेपालमा एक हजार ८६ जना कोरोनाका नयाँ सङ्क्रमित थपिएका छन् । पछिल्लो २४ घण्टामा आठ हजार ६६५ आरटीपीसीआर परीक्षण गरिएकोमा एक हजार ८६ जनामा सङ्क्रमणको पुष्टि भएको हो ।

स्वास्थ्यचौकीमा पठाइएका स्वास्थ्य उपकरण कोभिड स्टोरमै थन्कियो

ओखलढुङ्गाको मोलुङ गाउँपालिकामा दाताले दिएका स्वास्थ्य सामग्री स्वास्थ्य संस्थामा नपुगी स्टोरमै थन्किएको छ । मोलुङ गाउँपालिकाका स्वास्थ्य संस्थाहरुका लागि उपलब्ध भएका सामग्री वितरण नहुँदा रामपुरमा रहेको कोभिड अस्पतालको स्टोरमा थन्किएको हो ।

चीनबाट थप ४४ लाख डोज खोप काठमाडौं आइपुग्यो

चीनबाट थप ४४ लाख डोज भेरोसेल खोप काठमाडौं आइपुगेको छ । शुक्रबार दिउँसो २ बजे नेपाल एयरलाइन्सको जहाज खोप लिएर त्रिभुवन अन्तर्राष्ट्रिय विमानस्थल आइपुगेको स्वास्थ्य सेवा विभागका वरिष्ठ फार्मेसी अधिकृत बडेबाबु थापाले जानकारी दिनुभयो ।

सम्झाैता भइसकेका खोप आयातमा असर पर्दैन

औषधि ऐन संशाेधन अध्यादेश विहीबारबाट निष्क्रीय हुनेभएसँगै खोप आयातमा समस्या नहुने भएको छ । स्वास्थ्य तथा जनसङ्ख्या मन्त्रालयका सचिव रोशन पोखरेलले अध्यादेश निष्क्रिय भएपनि खोप आयातमा कुनै असर नपर्ने बताउनुभएको छ । खोप आयातमा अध्यादेश सक्रिय रहेकै अवस्थामा कम्पनीहरुसँग सम्झौता भएका कारण खोप आयातमा कुनै बाधा नपर्ने उहाँले बताउनुभयो ।