चीनको बुहानबाट आज १८० नेपालीलाई नेपाल ल्याउने तयारी हुँदै

कोरोना भाइरस कोभिड नाइन्टिनको प्रकोप रहेको चीनको बुहानबाट शनिबार १८० जना नेपालीलाई आज शनिबार नेपाल ल्याउने तयारी गरिएको छ । नेपालीलाई लिन नेपाल वायुसेवा निगमको जहाज शनिबार त्यता गएर आइतबार विहान काठमाडौंमा अवतरण गर्ने व्यवस्था मिलाइएको छ ।

दुई वर्षपछि बल्ल लाइसेन्स !

भक्तपुरका कुमार नगरकोटीले ट्रायल उत्तीर्ण गरेको दुई वर्षपछि बल्ल सवारी चालकको स्मार्ट अनुमतिपत्र (लाइसेन्स) पाउनुभयो । २०७४ फागुनमा उहाँले ट्रायल उत्तीर्ण गर्नुभएको थियो ।

विशेष अदालतमा आरोपपत्र दायर   

अख्तियार दुरुपयोग अनुसन्धान आयोगले विभिन्न आयोजनाको ‘मोबिलाइजेसन’ खर्च दिने क्रममा सेवाग्रहीसँग ठूलो मात्रामा कमिसन लिएको आरोपमा सडक डिभिजन कार्यालय विराटनगरका सिनियिर डिभिजनल इन्जिनियर जितेन्द्रकुमार चौधरीविरुद्ध आज विशेष अदालतमा मुद्दा दायर गरेको छ ।     

सूचना प्रविधि विधेयक छिट्टै पारित हुन्छ : सञ्चारमन्त्री बाँस्कोटा   

सञ्चार तथा सूचना प्रविधिमन्त्री गोकुलप्रसाद बाँस्कोटाले सूचना प्रविधि विधेयकका केही असमझदारीलाई किनारा लगाएर छिट्टै संसद्बाट पारित हुने बताउनुभएको छ । क्यान इन्फोटेक मेलाको २६औँ संकरणको आज उद्घाटन गर्दै सञ्चारमन्त्री बाँस्कोटाले डिजिटल क्षेत्रमा सुशासन, पारदर्शिता र डिजिटल कारोवारको वैधता आदि विषयलाई ध्यान दिएर सरकारले विधेयक ल्याएको उल्लेख गर्नुभयो ।

अख्तियार भन्छ– ऊर्जा क्षेत्रका ४४ अर्ब बराबरको ठेक्का समस्यामा

सार्वजनिक विकास निर्माणको काममा चरम लापरवाही भएको र तोकिएको समयमा काम नभएको पाइएको छ । त्यसमा पनि सरकारले प्रमुख प्राथमिकतामा राखेको ऊर्जा तथा जलस्रोतका क्षेत्रमा मात्रै रु ४४ अर्ब बराबरको ठेक्कामा समस्या देखिएको छ ।